Barua ya Vaebrania 8
8
1Kyasia kari ka ifo tikee irera kirero kikee kinini nkyo iki. Toore nkohani nnini wa mikae ii akee rembo uko usha lwa kifumbi kya unini lwa ifo iṛuvewu. 2Akee ndundi wa andu asongori na wa yema lia lya dede lia Nndumi alirwaa-wo ana nta ni nndu ndi. 3Amu nkohani nnini woose arawa-fo, amu aniingie wavi na kirasio. Kwa ikyo kyawara uu nae ave na kindo kya irasia. 4Kikooye eekee ia isangeń, eevaa nkohani ndi, fulya veefo vaniingiaa misimbika sheeli uvavaso lua luvavasie. 5Nawo vakee iṛundia fwana na kiṛishwe kya filya fikee iṛuvewu sheeli Mose andevavaswa ni Iṛuva lia andemaa ikusongosia itobiṛia yema lia. Amu Nndumi arerie: ”Lla nnu kusongosie findo foose fisumani na fwana ilya kundeoruswa kulya uroń“.
6Kake alli uu ankooya uṛundi lwilanyi lua, fulya akee na munnde mma ikee shisha kilanya indevavaswa irie firekio fikee fisha kita filya fingi. 7Amu kifo ilya ya mbele kitaare iikee shaangu, nta mwaanya wikiṛuywaa wa ilya ya kavili ndi. 8Amu andevareria eevaiaa: ”Manyiń mikonu ikee isha, nań naawutiaa numba ya Isiraeli na numba ya Yuda mma shiiya. 9Nta ivaa sha mma ilya nnderekiana na vaande yawo ndi lia nndevawara maako awo vvaute urukefi lwa Misiri. Fulya kitaare vandekuwara na mma yakwa, niń nań nta nndevataala ndi”, mfo Nndumi arera. 10”Na ii yyo mma nnderekiana na numba ya Isiraeli mikonu ilya ikansia: Vveekyaa mavavaso akwa makusaṛoń awo na yatisiṛa ifo mirimiń yawo. Nań vvaa Iṛuva wawo, nawo vavaa vandu vakwa. 11Nawo vakikuloshanaa nndu na uroe ndi ana nndu na mwanawo eenumbuaa: Manya Nndumi! Amu woose vashimanyaa kuuka munnya wawo kumande nnini wawo. 12Fulya vvatiaa fikasha fawo na mareko awo nkiakumbuaa lingi ndi“. Mfo Nndumi arera. 13Ili anderera mma shiiya, andeaṛua ilya ya mbele ikava shikuu. Kake kindo kya mbooko kikawa kikuu na ikua nkufui na ireka.
Currently Selected:
Barua ya Vaebrania 8: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
