Barua ya Petiro ya kavili 2
2
1Kake vandekwimboo-fo vaauya fisuku va wongo kari ka vandu va Isiraeli, sheeli na ifo kwanu valosha va wongo vashaa nafo veeataa-fo miloshie irie mitambwe ya ireta vandu. Vakanaa na akwaa ni Nndumi ulya andevataua na ikwendie ureti lwa ree wo veni. Na veengi valatiaa ngyukasha tawo. Na kiimba kyawo shia ya udede irumwaa. 3Ili vawarwa ni ilanga masaa, vakukooiyaa mbusha kwanu na firero fa imulemba. Kake uumisio lwawo lukee udeeṛie kuuka mbele ana ivareta lyawo lisindaa ndi. 4Amu na vamalaika valya vanderekio̱ Iṛuva andevatia ndi, kake kavaeeṛa andu a si kavarwaa fifingioń fa llema varingwa-fo kumande uumisio lwawo lushaa. 5Ana nta andetia-fo isanga lia lya mbele ndi. Kake nNoe nrumi wa usumani na vandu vamwi vakee nyaanyi andu emwi andevakiṛa ilyo andeendee vandu va isanga iwala lia, fulya kitaare vandemweṛea. 6Na miṛi ilya ya Sodomo na Gomora kaireta deń eeikoṛaa na muro kaiaṛua ivie vandu valya valeaa yeṛea Iṛuva myorusie. 7Kakiṛa Loti ulya eekee nsumani andenariswa nnu wweendo lwa vakasha wo. 8Amu nndu uu nsumani ili akaa kari kawo kalla mitanie yawo itawore wikimbi na iita mikonu yoose kakuvavisa nrima wamwi uwore usumani. 9Nndumi eeshi ikiṛa vasumani nreyoń na iwo vatasumani eeshi ivafisia nkonu wa uumisio vakabwa. 10Na mmwasi vvalya valatiaa mifurie ya wili veekuwaraa na milangie ya waaisi vakaila ushili lwa Iṛuva. 11Wo wandu va umbafu na vafika nrima, nta vareremaa ili veerumaa vayafinya va iṛuvewu ndi. Na akwaa vvamalaika vakee na imakii na finya kya mmwasi nta vakaṛia innde uṛiingi lwa ivaruma mbele ya Nndumi ndi.
12Kake iwo vavakie mafisi atawore uṛango arawa-fo, amu awarwa na iretwa. Varumaa ifi vatafiishi, wo vakuretiaa wo veni ifo uretiń lwawo. 13Vakooyaa maṛe asumani na ukasha lwawo. Unangwa lwa nsanyiń ni ifura lyawo fitawore kiṛengo ifo mamutuń awo. 14Ili vakee ilya shoonga neeni, vawore miso eeshule waaisi vataimuya itana mareko. Varetaa mirima ya vatanyaṛi, vawore ngoo tiishivisio ilanga, vakee vana vadenge. 15Vakatia shia shisaaṛi vakareka veesoṛaa shia ya Bileamu mwana wa Beori andelanga maṛe a ukasha. 16Kake akandarwa kiimba kya ukasha lwamwi. Nshungu uteeshi irera underera na ununga lwa kinndu wimaa ulya eekee mwauya atatane kitandetanwa. 17Iva vavakie ngyusokwa titawore mura na maṛumbe akee ivivitwa mmburaato. Kilya wo vandefisio̱ wwuu lwa llema. 18Amu wo vareraa firero finini fitawore misendie veekangiaa na milangie yawo itawore kiṛengo vandu valya vandebooka iiwukana na valya vakee iṛua ukasheń. 19Vakee ivarekia yotoṛwa, nawo veni mmasinga a ureti. Amu nndu kavvingwa ni nndu avaa iketi lya nndu to avvinga. 20Amu valya vammaa irisha kiṛinda kya isanga kiimba kya imanya Nndumi na Nkiṛa Yesu Kristo kwakooya vareywa nkyo lingi na ivingwa, mikae yawo ya ifurumia yawa mikasha kita ya mbele. 21Amu kiivaa ńwana kwawo, kifo kitaare veemmanyaa shia ya usumani kita iimanya na itiawo lingi ivavaso lia isongori veeniingio̱o̱. 22Kyavva kwawo sha sumu ilya ya dede sheeli yarera: ”Ikite lyuiyaa ureeko lwayo“, na lingi: ”Nguve yansangywa ikwaruvaa lingi mabwashiń“.
Currently Selected:
Barua ya Petiro ya kavili 2: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
