Popular Bible Verses from Barua ya Petiro ya kavili 2

Share

Nndumi eeshi ikiṛa vasumani nreyoń na iwo vatasumani eeshi ivafisia nkonu wa uumisio vakabwa.

Amu kiivaa ńwana kwawo, kifo kitaare veemmanyaa shia ya usumani kita iimanya na itiawo lingi ivavaso lia isongori veeniingio̱o̱. Kyavva kwawo sha sumu ilya ya dede sheeli yarera: ”Ikite lyuiyaa ureeko lwayo“, na lingi: ”Nguve yansangywa ikwaruvaa lingi mabwashiń“.

Vakee ivarekia yotoṛwa, nawo veni mmasinga a ureti. Amu nndu kavvingwa ni nndu avaa iketi lya nndu to avvinga.

Amu valya vammaa irisha kiṛinda kya isanga kiimba kya imanya Nndumi na Nkiṛa Yesu Kristo kwakooya vareywa nkyo lingi na ivingwa, mikae yawo ya ifurumia yawa mikasha kita ya mbele.

Kake vandekwimboo-fo vaauya fisuku va wongo kari ka vandu va Isiraeli, sheeli na ifo kwanu valosha va wongo vashaa nafo veeataa-fo miloshie irie mitambwe ya ireta vandu. Vakanaa na akwaa ni Nndumi ulya andevataua na ikwendie ureti lwa ree wo veni. Na veengi valatiaa ngyukasha tawo. Na kiimba kyawo shia ya udede irumwaa.