Barua ya Vakorinto ya kavili 7
7
1Kyasia vakunde vakwa, fulya toore firekio ifo, tikwilise mirima yeru kyoo kyoose kya vvili na kya nrima, kuro llyo yawutia usongori na yeṛea Iṛuva.
2Tiniingień mwaanya mirimiń yanu. Nta nndu tindenretia kindo ana nta nndu tindenkasheesa ana nta tindellemba. 3Narera ikyo amu mmuumisie ndi, amu neemmaa irera mbele, sheeli ini mukee mirimiń yeru, na akwaa ni ifwa andu emwi neeni na ikaa na muu andu emwi neeni. 4Ili nkee irera neeni, nkee irera neeni na baa deń. Llolie tikisi nini kiimba kyanu na iishua ilembwalembwa. Namiishua ifura likilie ngyukiva takwa toose mmwasi. 5Amu na akwaa ni ili tindefika Makedonia, mivili yeru nta indekooya iimuya ndi, kake tindekooya mavaviso koose, wooṛo kwiworee fira, numba wweṛei. 6Kake Iṛuva awore iwolisa vatanyari andetilembalemba na isha lya Tito. 7Ana ni ishalyamwi dandi, kake ni ilembwalembwa lia andelembwalembwa nalyo kwanu eetoongoyaa mboni ta milangie yanu na fiiyo fanu na utomari lwanu kiimba kyakwa, kumande neengeṛia nnu ifura. 8Amu na akwaa nndemutuṛua na barua ilya, nta nkurraa ndi. Na kwakooya nakurra, niishi sheeli barua ilya indemunarisa kwa kiṛengo da. 9Alli noore ifura, nta nkiimba kya inariswa lyanu ndi, kake mfulya mundenaria kumande mwakurra. Amu mundewarwa ni unari luukie kwa Iṛuva, kaaṛa mutakooye yanguywa lyukie kweru. 10Amu unario luukie kwa Iṛuva lunnde ikurra lyoore ikia litakiilashikaa. Kake unario luukie isangeń ili lunnde ufu. 11Amu lleń, inariswa lyo lya kiimba kya Iṛuva ili llyo lindemuniinga finya ini, ee na ikuuta, ee na ituṛuka, ee na weṛei, ee na itiṅwa, ee na itomaa, ee na itaa kimini! Amu kwa shia toose mundekworusa mu veni sheeli mukee vesha mwaanduń ulya. 12Kyasia lla kasa nndemutisiṛia, nndetisiṛa kiimba kya ulya akee mbaai ana nta nkiimba kya ulya anderetwa ndi, kake naamu itomaa lyanu kiimba kyeru likooye ilolika kwanu mbele ya Iṛuva. 13Kwa ikyo tawwiiṛio̱ muu. Lingi kindo kindetifumbutia iwiiṛio̱ muu lyeru kya mmwasi ni ifura Tito eekee nalyo, fulya nrima wamwi undewiiṛio̱ muu ni ini mu woose. 14Amu kwakooya nakuṅinisa mbele yamwi keengi kiimba kyanu, nta nndesutwa ndi, kake sheeli nndemuia findo foose na udede, mfo kuro likai na ikwitikisa lyakwa lya kwa Tito lindeva lya dede. 15Na ikunda lyamwi akuwore nalyo neeni lyava inini mmwasi likailanya, ili akee ikumbua windi lwanu ini mu woose, sheeli mundewwaria na weṛei na irerema. 16Nkee isenywa, fulya nkee imuverea kari ka findo foose.
Currently Selected:
Barua ya Vakorinto ya kavili 7: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
