Barua ya Vakorinto ya kavili 2
2
1Kake ifo ngooń yakwa niirekiee kuri, manya ntashe kwanu lingi niimunarisaa. 2Amu kwakooya namunarisa ini, ni i ashisetaa kitaare ni ulya anariswa nniń? 3Kiimba kya iki nndemutisiṛia kirero kyo kyeni, amu ili nshaa kwanu ntakooye inariswa vvalya kyeewwaraa nkooye ifura kwawo, niimukusuraa ini mu woose sheeli ifura lyakwa ni ifura lyanu ini mu woose. 4Amu nndemutisiṛia na ivaviswa iingi na ngatara ta ngooń niidonisaa masoru meengi, nta naamu munarie ndi, kake naamu mumanye ikunda lyakwa nkee nalyo kwanu kasa likee inini. 5Kake kwakooya nndu annarisa kwanu, nta ashinarisa niń ndi, kake nkyeenga kwa kyeenga da — amu ntashe imwemia nnu — amunarisa ini mu woose. 6Ulya akee kuro kimfile kwakooya eekimbwa vvaaroe vakee veengi. 7Kyasia kyamuwara ini illatia na uwoo na illembalemba ngoo yamwi, amu atamiṛwa ni unario lukilie mmwasi. 8Kwa ikyo namutereva ini mumworuse ikunda lyanu. 9Amu nkiimba kya ikyo namutisiṛia, amu nkooye irambua kari kanu, sheeli mwirikie findo foose. 10Kake kwakooya ini mwatia nndu kindo, na akwaa nniń nammutia, fulya nań kilya nantia, kwakooya kiifo kindo kiifuriee itio̱ nniń, nankitia kiimba kyanu kisanguń kya Kristo. 11Kive kuro, amu titalembwa nSatana, amu tiishi kisha mitambwe yamwi.
12Kyasia ili nndefika Tiroa ikwanisa nrumi ya Kristo, naruywa mwaango mfinya ya Nndumi. 13Kake nta ilolia ifura ngooń yakwa, fulya kitaare nndelolia-fo mwanamae wakwa Tito, kake nndeiakana nawo nakwimboo neende Makedonia. 14Kake Iṛuva aanwa uu atiniingaa uvingo mikonu yoose kari ka Kristo na yawutia kyuuna kya immanya ye kundo koose mashoṛeń eru. 15Amu ise tavia Iṛuva kisaamu kya Kristo kwa valya vakee ikiṛwa na kwa valya vakee ireka. 16Kwa iwo va kavili nkyuuna kya ufu kinnde ufu, kwa iwo va mbele nkyuuna kya muu kinnde muu. A ye ni i amakii iṛunda findo ifo? 17Amu ise tikee sha iwo veengi vakee ikaba mbusha na kirero kya Iṛuva ndi. Kake tikee irera na weelwa lwa nrima luukie kwa Iṛuva tikee va Kristo kisanguń kya Iṛuva.
Currently Selected:
Barua ya Vakorinto ya kavili 2: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
