Barua ya Yohane ya mbele 1
1
1Kilya kiifoo kuuka mbooko, kilya ise tindekiita tikakilolia na miso eru tikakilla na ikiwarawara na maako eru, kyo nKirero kilya kikee muu (yYesu). 2Na muu uu undelolika, neese tikaulolia. Nto tikee yurambua na imukwanisia tikee imukwanisia ini sheeli muu uu wwa miṛeṛe wikee kwa Nde ukalolika na kweru. 3Kyasia kilya tindekilolia na ikiita nkyo tikee imwongoya neeni, amu neeni mulungane neese. Na ilungana lyeru likee andu emwi na Nde na Mwana wamwi Yesu Kristo. 4Na ifi tamutisiṛia ini, amu ifura lyeru lyawukie.
5Na ii yyo nrumi tindeiitia kwamwi na iikwanisa kwanu sheeli: Iṛuva llanga, nta llema wifo kari kamwi. 6Kwakooya tikee inumbua tikulungie nae tikaṛuaṛua ifo llemiń, tikee irera wongo, nta tikee itana kilya kikee kya dede ndi. 7Kake kwakooya tikee iṛuaṛua langeń sheeli ye akee langeń, tikee iliana ise ti veni na ti veni. Na usao lwa Mwana wamwi Yesu lutisangyaa mareko woose. 8Kwakooya tikee inumbua: Ise toore mareko ndi, tikee ikulemba ti veni na udede lwifo kari keru ndi. 9Kake kwakooya tarambua mareko eru, ye wwa mma na nsumani atitie mareko na itisangya ukasha loose. 10Kwakooya tikee inumbua: Tantana fikasha ndi, tamaaṛua Iṛuva llembi na kirero kyamwi kiifo kari keru ndi.
Currently Selected:
Barua ya Yohane ya mbele 1: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
