Barua ya Vakorinto ya mbele 16
16
1Kiimba kya mboni ya miniingie ilya ya iniinga vasongori valya neeni taniń kuro sha lia nndevavasa siṛi ta Galatia. 2Nkonu woose wa mbele wa kyuma nndu woose wa kwanu afise kyeenga kyamwi kyeń kwamwi kwa kiṛengo kya mikooiye yamwi, amu iitiṛimu li litave-fo ili nammaa isha. 3Nań ili mmufikiaa nndevaruma na barua valya mwawasaua varwaa miniingie yanu kulya Yerusalemu. 4Na kwakooya kivaa nań neende, vafingaa kyaaṛo andu emwi nań.
5Kake mfikaa kwanu ili mmaa iira Makedonia, amu Makedonia niiraa da. 6Eeba nkaa kwanu nkusurie kyeeri kyo kyoose kya mbioo, amu mushiṛaṛate numa kundo koose neendaa. 7Amu alli nta mfurie ikwania neeni niiraa da ndi, fulya mfurie ikaa kwanu mikonu milive Nndumi kansheelekia. 8Kake kunu Efeso nkaa-fo kumande kisuku kya Pentekoste. 9Amu nanruywa mwaango nnini wa iṛundia mashoṛa meengi, lla kasa veefo veengi vakee misa.
10Kake ili Timoteo afikaa, mulleń akaa kwanu luteefo weṛei. Amu ni ndundi wa mashoṛa a Nndumi shań shi muni. 11Kyasia manya nta nndu umwi amwilaa, kake ndaṛateń na kibua ashe lingi na kwakwa, amu neese tiwerie andu emwi na vanavamae. 12Kake kya Apolo uu mwanamae weru nndentereva nnu ashe kwanu andu emwi na vanavamae wo vengi, nae nta ikunda yenda alli. Kake ashaa ili akooya mwaanya.
13Kaańń kya umbuura, kuumiseń muware ikusura, veń vandu vawore finya! 14Findo fanu foose fitaniń na ikunda! 15Lingi namutereva vanavama: Mwishi valya va numba ya Stefana wwo vandebooka yaṛukia Nndumi ifo Akaya nawo vakakuniingia mashoreń a iṛundia vasongori. 16Kyasia indień vandu sha iwo na akwaa vvalya vakee iṛunda mashoṛa andu emwi nawo na ikwatara. 17Nań noore ifura kiimba kya Stefana na Fortunato na Akaiko vakee nań. Amu wwo vandeshitania filya ini mutandemakii ishitania. 18Amu wo vandeshiimurusa nrima wakwa na mirima yanu neeni. Kyasia vandu sha iwo vamanyiń ninnsha.
19Siṛi toose ta Asia tamwisana. Akwila na Pirisika vamwisana nnu kari ka Nndumi andu emwi na siṛi ikee numba kwawo. 20Na vanavamae woose vamwisana. Kwisaniń mwikwongaa miimo sheeli vasongori veeshivie. 21A li iisana lyakwa niń Paulo nndetisiṛa na uko lwakwa shi muni. 22Nndu na kava i atakundie Nndumi ave ndenge! Nndumi akee isha (Maranata)! 23Uwoo lwa Nndumi Yesu lukaa neeni! Ikunda lyakwa likee neeni mu woose mukee va Kristo Yesu.
Currently Selected:
Barua ya Vakorinto ya mbele 16: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
