Vafilipi 3
3
1Hangi vadugu vane, mudehe mugati na Guku! Yikavile kutimba kuwane kumutonela inwe hanahana 2genaya duhu, alisi yilimuvelela inwe. Mwikomye ku mbwa; mwikomye ku vatumami vavi; mwikomye ku venavo valiwigulazya venekili. 3Kwisi iswe tuli venavo vatahirivilwe, iswe hovene tulimwisenga Mulungu mugati na Roho na tuliwikumilizya mugati na Kristo Yesu, iswe hovene tukavile kusendamalika moyo kwigulya na muvili, 4nulu nene, ulu nakovaga, nakovolaga kusendamalika moyo kwigulya na muvili. Ulu umo aliganika ati alikovola kusendamalika moyo kwigulya 5na muvili, haho nene mwene muno. Nane natahirivilwe ha lusiku lwa mnane; ndi wʼigongo lya Israeli na ku mugana gwamwa Benyamini; ndi Muhebrayo mugati na Vahebrayo; 6ku ngʼhama ndi Mufarisayo; mugati na migangadiko nalidukaja ivilingano; ku vugololoku wa mu ngʼhama navage vuduhu kimelo. 7Alisi genayo gavage vuduhu vusulu kuwane, nagasolozaja kuvi vufwililwa kunguno yamwa Kristo. 8Ahene, ndigasolozya gose kuvi vufwililwa kunguno ya vusulu wenuvo vuhanya, howene vuligakila gose, wa kumumanicha Kristo Yesu, Guku wane, kunguno yakwe nafwilililwe gose na kugasolozya gose kuvi madakala, 9kigele namugade Kristo, na navonwe mugati nawe, na nave na vugololoku wane, ngʼo wenuvo wa mu ngʼhama, sumbwa wenuvo vulifuma kwisanizyo hamwa Kristo, wenuvo vulifuma kumwa Mulungu mugati na 10isanizyo, kigele namumaniche na nguzu zya vuhembuke wakwe, na nave na lusangi nawe mugati na 11maluduko gakwe, na namwikole mugati na kufwa kwakwe, nene mwene nafikeho ha vuhembuke wa vafwile.
12Nkavile kuyomba ati namalaga kugapandika ninga namalaga kuvi mukomezu, alisi ndigangadika muno, kigele nagapandike, kunguno nene napandikilwe na Kristo Yesu. 13Vadugu, nene nkavile kwiganika mwenekili ati nagapandikaga, alisi yeniyi ndita: ndigalavila genayo gali kunuma yane, 14na ndinyanyamila ku genayo gali kumbele, na ndigangadika kufika ku mhelo ya wisiganilwa ku vugade wa lwito lwa mwigulya lwa Mulungu mu Yesu Kristo. 15Kunguno yeniyi iswe vose hovene tuli vakomezu, tuve na malome genaya. Na ulu muliloma heke mugati na mihayo yimo, Mulungu akumufumbulila inwe yeniyi yene. 16Sumbwa yeniyi duhu: genayo twagapandikaga, tusimize mugati na genayo.
17Vadugu, mugalonde mapambala gane, na muvalole venavo hovene mugati na kusimiza kwavo valilulonda lumeho lwenulo holwene twamupaga inwe. 18Kwisi vingi valisimiza—kitisi namuwilile inwe kingi—kitisi 19vanisi va musigiti gwamwa Kristo, mhelo yavo yili vuzimile, lukumo lwavo lulimo mu zoma zyavo, na miganiko gavo gali ku genayo ga liwelelo. 20Kwisi muzengo gwiswe guli kwilunde, kufumako tulimulindila 21Mupizya, Guku wiswe Yesu Kristo, homwene akugugalukizya muvili gwa vusakazu wiswe kugwikola muvili gwa lukumo lwakwe, ku nguzu zyenizyo mugati nazyo alikovola kugatula gose hansilili na vukovozi wakwe.
Currently Selected:
Vafilipi 3: Nym51
Highlight
Copy
Compare
Share
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
