Vafilipi 4
4
1Kunguno yeniyi, vadugu vatoneke, inwe hovene ndimukumbula, na hovene muli kudeha kwane na ndezi yane, muve vajamu mugati na Guku, vatoneke. 2Ndimuhana Evodia na ndimuhana Sintike vikondele mugati na Guku. 3Naʼho mwene, Synzugus, ndikulomba, uvagwasye, kwisi valasanaga hamohene nane kunguno ya Mhola ya Chelu, hamohene na Klemento na vatumami vichane, hovene mina gavo gatonilwe mu kitabu cha vuzuvuku.
4Mudehe hanahana mugati na Guku! hangi ndimuwila: 5mudehe! Vudekanu winwe vumanikiwe na 6vanhu vose! Guku ali bihi. Muleke kwisusuma kunguno ya kinhu kimo, sumbwa mugati na kulomba na kwigongela hamohene na kulumbila, mugafile mafundo ginwe kumwa Mulungu, na kuhola kwa Mulungu, 7hokwene kulikila ngelo zyose, kukuyilindila myoyo yinwe na miganiko ginwe mugati na Kristo Yesu. 8Hangi vadugu, gose genayo gali ga lole na ga isima, na gali magololoku na masondo, na genayo galisika isima na nsembo nsoga na ikuzyo, mugadime genayo. 9Gose genayo mwagahembekilwe na mwaganukulile na mwagigilwe na mwagawine hawane, mugite genayo, na Mulungu wa kuhola akuvi hamohene ninwe.
10Alisi nene nadehaga muno mugati na Guku kunguno mu nsiku zyenizi mwapivagwa nguzu, syenisyo mulikovola kukizukila kikalile chane; ahene, ninga kale mwakizukilile, alisi mwavage mukavile na itungo lya kuntumamila. 11Yeniyi nkavile kuyomba kunguno ndikifunda kinhu, kwisi nahembekilwe kwiguta na genayo ndi nago. 12Ndimanicha kwikala mugati na vupina, na ndimanicha kuvi na wingi wa masese; nahembekilwe tose twa mitindo yose; kwiguta na savasava kuvi na nzala, kuvi na wingi wa masese na savasava vudohelwa. 13Ndikovola tose mugati na mwenuyo alimpa nguzu. 14Alisi inwe mwavezya kuvi na lusangi nane mu mamikosi gane. 15Alisi inwe Vafilipi vene mulimanicha ati hambuki ya Mhola ya Chelu, mwitungo lyenilo nafumaga ku Makedonia, kuduhu ivilingano lyavagi na lusangi na nene mu kufisolozya fipanwa na 16fyanukulwa, sumbwa inwe mwinene duhu. Kwisi ninga mu Tesalonike mwatumizaja kamo ninga kavili genayo nafundaga. 17Ngʼo kunguno ndikitamanilwa kipanwa, sumbwa nditamanilwa kukivona kisumo hochene mukusyokeziwa. 18Ndi nago gose ku mafundo gane na masese; hangi galikwila muno hawane kunguno napivagwa na Epafrodito fipanwa finwe, hofyene fili kitisi mugazu gulimota, kitisi kitambo kivelile na kilimutogezya Mulungu. 19Alisi Mulungu wane kunguno ya vusavi wakwe akumupa inwe mafundo ginwe gose ha lukumo mugati na Yesu Kristo. 20Lelo Mulungu, Yava wiswe, apiwe lukumo kusika myaka na myaka de. Amen.
Muvagisye vasondo vose mugati na Kristo Yesu. 21Vadugu hovene vali hamohene nane valimugisya; vasondo vose valimugisya, 22alisi muno venavo va mu numba yamwa Kesari.
23Kisa cha Guku Yesu Kristo kiveho hamohene na roho yinwe.
Currently Selected:
Vafilipi 4: Nym51
Highlight
Copy
Compare
Share
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
