YouVersion Logo
Search Icon

Mateo 25

25
1Haho vutemi wʼilunde vulivikola vahala ikumi hovene vasolaga tala zyavo na vafumaga kumusanganila mutozi. 2Alisi mugati navo vatano vavagi vahumbu na vatano vavalaganu. 3Kwisi vahumbu vasolaga tala 4zyavo duhu, alisi vakajanile maguta. Alisi vavalaganu vajanaga maguta mu nsupa hamohene na tala zyavo. 5Na aho mutozi wakendelaga vose vapunilaga na valalaga tulo. 6Alisi vuziku hagati ibubu lyavukaga. 7Lolagi, mutozi aliza, mufume kumusanganila. Haho vahala vose vamisaja na vazivezelezaja tala zyavo. 8Na vahumbu vavawilaga vavalaganu, Mutupe 9iswe ku maguta ginwe, kwisi tala ziswe zilizima. Alisi vavalaganu vitavukaga, vuhaya, Byololo, hamo kukwila ngʼo kuwiswe na kuwinwe, sumbwa muje ku vaguzya mukigulile inwe venekili. 10Alisi aho vavagi valija kukagula, mutozi wizaga, na venavo vavagi tayari vingilaga hamohene nawe mu winga, na muzigo gwalugalagwa. 11Hanuma vahala vangi vizaga, vuhaya, 12Guku, Guku utulugulile iswe! Nawe witavukaga, uhaya, Loleyene ndimuwila inwe, nene nkamumanikizye inwe. 13Sisyo muve minso, kwisi mukamanikizye lusiku ninga ngʼo itungo.
14Na yili kitisi munhu wakovaga kuyumbilako ku chalo kigeni, na wavitanaga vakumba vakwe na wavapaga nsavo zyakwe; 15wa mbele wamupaga matalanta atano, ungi avili, na ungi limo, kila umo hanuma na nguzu zyakwe, na wajaga ku chalo kigeni. 16Haho mwenuyo homwene wapivagwa atano wasuluzaja nago 17na wagadaga gangi atano; na sisyo uyo wa matalanta avili wagadaga gangi avili. 18Alisi uyo homwene wapivagwa limo wajaga na wasimbaga hasi na wagavisaga mapesa gamwa gukuye.
19Alisi hanuma na nsiku ningi guku wa vakumba venava wizaga kusolozya navo. 20Na uyo homwene wapivagwa matalanta atano wegelaga na wagaletaga matalanta gangi atano, uhaya, Guku, veve wampaga matalanta atano, lolaga, nagagadaga matalanta gangi atano. 21Gukuye wamuwilaga, Sisoga, veve mukumba musoga na mujamu, veve wavagi mujamu mugati na finhu fido, nene nkukutula kwigulya na finhu fingi, ingilaga mugati na kudeha kwa gukuyo. 22Na uyo wa matalanta avili wegelaga, uhaya, Guku, veve wampaga matalanta avili, lolaga, nagagadaga matalanta gangi avili. Gukuye wamuwilaga, 23Sisoga, mukumba musoga na mujamu, veve wavagi mujamu mugati na finhu fido, nene nkukutula kwigulya na finhu fingi, ingilaga mugati na kudeha kwa gukuyo. 24Alisi uyo homwene wapivagwa italanta limo nawe mwene wegelaga, uhaya, Guku, nakumanikaja ati uli munhu mudaki na ukwimbulaga uko ukavivile, na ukukumingaga uko ukamwagilile mbiyu, 25na cha kogoha najaga nakalivisaga hasi italanta lyako, lolaga, henaha uli na nsavo zyako. 26Gukuye witavukaga na wamuwilaga, Veve mukumba muvi na muzovu, veve wamanikaja ati nakwimbulaga uko nkavivile, na nakukumingaga uko nkamwagilile 27mbiyu? Kunguno yeniyi yakudimaga veve kugafila mapesa gane ku vabadila mapesa, kigele, ulu nasyoka, nazisole zyane na vusulu. 28Sisyo mumupuzye italanta na mumupe mwenuyo ali na matalanta ikumi. 29Kwisi kila umo ali nacho akupiwa na akongeziwa kingi; alisi kila umo akavile nacho akupuziwa hochene ali nacho. 30Na mukumba uyu akavelile kinhu mumutagile mu giti ya hanze, kwenuko kukuviko kulila na kusya mino.
31Na ulu Mwana wa Munhu akwiza mu lukumo lwakwe na vamalaika vose hamohene nawe, haho akwikala 32hʼisumbi lya lukumo lwakwe. Na vakuvilingwa hambele nawe va mafyalo gose, na akuvakoma kitisi mudimi alizikoma ngʼholo na mbuli, 33na akuzitula ngʼholo ha mulila gwakwe na mbuli ha lumoso. 34Haho mutemi akuvawila venavo va hamulila gwakwe, Nzugi inwe mwadosivilwe na Vava wane na muvusalike vutemi howene wavezelezivilwe kuwinwe kufuma kutundwa kwa liwelelo. 35Kwisi navagi na nzala, ninwe mwampaga chakulya; navagi na nota, ninwe mwaninwisaja; navagi mugeni, ninwe mwananukulaga; nazukaga, 36ninwe mwanzwikaga; navagi mulwile, ninwe mwandavilaga; 37navagi mu jela, ninwe mwizaga kuwane. Haho vagololoku vakumwitavuka, vuhaya, Guku, itungo ki twakuvonaga uli na nzala na twakulisaja; ninga uli na 38nota na twakunwisaja? Na itungo ki twakuvonaga uli mugeni na twakwanukulaga; ninga wazukile na 39twakuzwikaga? Na itungo ki twakuvonaga uli mulwile ninga uli mu jela na twizaga kuwako. 40Na Mutemi akuvitavuka, uvawila, Loleyene ndimuwila inwe, genaya mwamwitilaga umo wa vadugu vane venava vado mwanitilaga nene. 41Haho akuvawila venavo va halumoso, Ingagiho hawane inwe mwafwizililwe, mwingile mu moto gwa hanahana hogwene gwavezelezivilwe kumwa Shetani na vamalaika vakwe. 42Kwisi navagi na nzala, ninwe mukampile chakulya; navagi 43na nota, ninwe mukaninwisizye; navagi mugeni, ninwe mukananukulile; nazukaga, ninwe mukanzwikile; navagi mulwile na mu jela, 44ninwe mukandavilile. Haho venavo vene vakwitavuka, vuhaya, Guku itungo ki twakuvonaga uli na nzala, ninga uli na nota, ninga uli mugeni, ninga uzukile, ninga uli mulwile, ninga uli mu jela, na iswe tukakutumamilile veve? 45Haho akuvitavuka, uhaya, Loleyene ndimuwila inwe, genaya mukamwitilile umo wa venava vado mukanitilile nene mwene. 46Na venava vakuja ku luduko lwa hanahana, alisi vagololoku ku vuzuvuku wa hanahana.

Currently Selected:

Mateo 25: Nym51

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy