Mateo 24
24
1Na Yesu wafumaga kwisengelo na wajaga; na vahemba vakwe vamwegelaga kumolecha vuzenguzi 2wʼisengelo. Nawe witavukaga na wavawilaga, Mukagawine gose genaya? Yalole ndimuwila inwe, ninga iwe limo kulekwa ngʼo kwigulya na lingi holyene kuhomolwa ngʼo.
3Na aho wikalaga ku Lugulu lwa Maguta vahemba vakwe vamwegelaga kumhelo, vuhaya, Utuwile nanali genaya gakuviho, na lumeho lwa kwiza kwako na 4kusila kwa liwelelo lukuvi kinahe? Yesu witavukaga na wavawilaga, Mwikomye kuduhu umo amupuvye inwe. 5Kwisi vingi vakwiza mu lina lyane vuyomba, 6Nene ndi Kristo, na vakuvapuvya vingi. Hangi mukwigwa mavulugu na mhola zya mavulugu, mwikomye, muleke kukangwa! Kolaga genaya gakwile, alisi mhelo yitali. 7Kwisi va chalo kimo vakuvagomela va chalo kingi, na vutemi vumo ku vutemi vungi, na gakuviho mayala na manyamuditimya uko na uko. 8-9Gose genaya gali mbuki ya mavusatu. Haho vakumufumya inwe kigele mudukiwe na vakumuvulaga, na mukugaywa na va machalo gose kunguno ya lina lyane. 10Na haho vingi vakugayilizya na vakugambana na kwigaya hamohene. 11Na vafumbuzi vingi va vulamba vakuvuka na vakuvapuvya vingi. 12Na kunguno ya vukwile wa wigomu kutogwa kukudoha mugati na vingi. 13Alisi homwene alijama kusika ha mhelo akupiziwa. 14Na Mhola ya Chelu ya vutemi yikutaniziwa mu liwelelo lyose kuvi vusangilwa ku va mafyalo gose; na haho isilo likwiza.
15Na ulu mulilivona Ivipyo Ivi lilimilaho hasondo kunguno yalyo mufumbuzi Danieli wayombaga, (mwenuyu alisoma ikomye), 16haho venavo vali mu Uyahudi 17vapelele ku malugulu, na homwene ali ku numba aleke 18kwika kukisola kinhu mu numba yakwe; na homwene ali ku mugunda aleke kusyoka kusola mwenda gwakwe. 19Alisi musyolo muhanya ku venavo vali na mwitungo 20na valongʼhya mu nsiku zyenizyo! Alisi mulombe ati vupezi winwe vuleke kukwila mwitungo lya mbeho ninga ha sabato. 21Kwisi haho yikuviho misyolo mihanya hoyene yavagi yikavileho kufuma mbuki ya liwelelo kusika lelo, na kuviho ngʼo hangi sisyo. Na 22ulu mbe nsiku zyenizyo kudoheleziwa ngʼo, mbe kuduhu umo wa kupiziwa. Alisi kunguno ya venavo vasogolilwe nsiku zyenizyo zikudoheleziwa. 23Haho ulu umo alimuwila inwe, Lolagi, henaha aliho Kristo, 24ninga, Kwenuko, mukasanizye ngʼo. Kwisi Makristo ga vulamba na vafumbuzi va vulamba vakuvuka na vakuvezya malumeho na migaka mihanya, kigele, ulu yakovolwa, vavapuvye ninga venavo vasogolilwe. 25Lolagi, namufumbulilaga yeniyi hambele. Kunguno 26yeniyi ulu vakumuwila inwe, Lolagi, aliko kwibalangu, muleke kufuma kujako; ninga, Alimo mu numba, muleke kusanizya. 27Kwisi kitisi lukuva lulifuma ku kiya na lulikema kusika ku mweli, sisyo kukuviho kwiza kwa Mwana wa Munhu. 28Uko mulambo guliko, kwenuko kwene mavesi gakwisumbyako.
29Alisi itungo lili hanuma na misyolo ya nsiku zyenizyo limi likwilavula na mwezi kufumya ngʼo mwanga gwago na masonda gakugwa kufuma kwilunde na nguzu zya ilunde zikutinginiwa. 30Na haho lukwigela hʼilunde lumeho lwa Mwana wa Munhu, na va magongo gose ga liwelelo vakwanaguka, na vakumuvona Mwana wa Munhu kwiza kwigulya na malunde gʼilunde na nguzu na lukumo luhanya. 31Na akuvatumizya vamalaika vakwe na matulumbete mahanya, na vakuvavilinga vasogolwa vakwe ku mafilunga anne, kufuma lwande lumo lwʼilunde kusika lwande lungi.
32Ha mukuyu muhembekwe mukolani, Ulu itambi lyago lyakondaga na lilifulumya madutu, mulimanicha ati itungo lya nembo lili bihi. 33Sisyo ninwe ulu mulivona genaya gose galikwila, mumaniche ati ali bihi ha muzigo. 34Yalole ndimuwila inwe, vuvyalwa wenuvu kusila ngʼo kusika gose genaya gamalaga kukwila. 35Ilunde na liwelelo gakuzimanguka, alisi mihayo yane 36kuzimanguka ngʼo. Alisi kunguno ya lusiku lwenulo ninga itungo kuduhu umo alimanicha, ninga ngʼo vamalaika, ninga ngʼo Mwana, sumbwa Vava inene. 37Kwisi kitisi nsiku zyamwa Noa sisyo kukuviho kwiza kwa Mwana wa Munhu. 38Kitisi mu nsiku zyenizyo hambele na likamilamasenga, valyage, vanwage, vatolage, vatolagwe kusika lusiku lwenulo Noa wingilaga 39mu lyato, na vavage vakamanikizye kusika likamilamasenga lizaga na lyavasolaga vose, sisyo kukuviho kwiza kwa Mwana wa Munhu. 40Haho vavili vakuviko ku mugunda, umo akwanukulwa na mwiye akulekwa; 41vakima vavili vakuvi valisya hʼisyelo, umo akwanukulwa na mwiye akulekwa. 42Sisyo muve minso kunguno mukamanikizye lusiku lwenulo Guku winwe akwiza. 43Alisi yeniyi mumaniche, mbe mwene numba wamanikaja itungo ki lya vuziku mwivi akwiza mbe wakeyulaga na kuzumya ngʼo numba yakwe yidulwe. 44Kunguno yeniyi inwe vene muve tayari, kwisi Mwana wa Munhu akwiza hʼitungo lyenilo inwe mukiganikile. 45Nani ali mukumba mujamu na muvalaganu homwene gukuye wamutulaga kwigulya na va numba yakwe 46kuvapa chakulya hʼitungo lyacho. Welukilwa mukumba mwenuyu homwene gukuye ulu aliza akumusanga aliwita syenisyo. 47Loleyene ndimuwila inwe ati, akumutula uyu kwigulya na nsavo zyakwe zyose. 48Alisi ulu mukumba muvi aliyomba mu moyo gwakwe, Guku wane alikendela, na alivukizya kuvatula vakumba 49-50viye, na kulya na kunwa na vakozya, Guku wa mukumba mwenuyu akwiza lusiku ulo akalulindilile na 51itungo akalimanikizye, na akumutulagula muno, na akumupa ifungu lyakwe hamohene na vagulumi; kwenuko kukuviko kulila na kusya mino.
Currently Selected:
Mateo 24: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.