Lukasi 6
6
1Na yakwilaga ha lusiku lwa sabato wavitaga mi migunda na vahemba vakwe vagakololaga mangala na vagayugaga na makono gavo na valyaga. 2Alisi vamo va Vafarisayo vayombaga, Kuki mulita genaya galamwiko kuvezya ha lusiku lwa sabato? 3Na Yesu wavi tavukaga, wavawila, Mukasomile genaya Davidi witaga 4aho wavagi na nzala, na viye? Kitisi wingilaga mi numba ya Mulungu, na wayisolaga mikate yatulilwe kumwa Mulungu, 5na wayilyaga na wavapaga viye hoyene yikalagililwe kuyilya sumbwa vahozya duhu Na wavawilaga ati Mwana wa Munhu ali Guku kwigulya na sabato yene.
6Na yakwilaga ha sabato yingi wingilaga mu sinagogo na wahembekaga. 7Na wavagiho munhu wagwa ku kono kwa mulila. Na vamanicha fitabu na Vafarisayo vamwilolelaga kuvona ulu akupizya ha sabato, kigele vaguvone muhayo gwa kumuvula. 8Alisi uyu wagama nikaja miganiko gavo, wamuwilaga wagwa kukono Uvuke na wime hagati. Nawe wavukaga na wimaga 9Na Yesu wavawilaga, Ndimuvuzya, Guli mwiko ha sabato kuvezya kasoga, ninga kavi, kupizya myuye 10ninga kuzizimizya? Na aho wavilolelaga vose ma lwande gose, wamuwilaga, Ugolole kukono kwako Nawe witaga sisyo, na kukono kwakwe kwapilaga 11Na vingilagwa na kiniga, vitozaja hamohene, vamu vezyeki Yesu.
12Na yakwilaga mu nsiku zyenizyo wafumaga na wajaga ku lugulu kulomba, na wakeyulaga vuziku pe mugati na kumulomba Mulungu. 13Aho wangalukaga wavitanaga vahemba vakwe, na mugati navo wavasogolaga ikumi na vavili, hovene wavitanaga Vatume 14Simoni, na lina lingi Petro, na Andrea muduguye 15Yakobo na Yohana, Filipo na Bartolomayo, Mateo na Toma, Yakobo mwana Alfayo na Simoni uyo alitanwa 16Zelote, Yudasi mwana Yakobo, na Yudasi Iskarite homwene wamugambaga. 17Na watelemukaga hamohene navo, na wimaga ha vutyatya hamohene na vingi va vahemba vakwe na mbuto ya vanhu vingi, hovene vafumile ku Uyahudi na Yerusalema na nguka ya Tiro 18na Sidoni, hovene vizaga kumudegeleka na kupiziwa mavulwile gavo, na venavo vadukivagwa na migavo zya zoma vapizivagwa. 19Na va mbuto yose vakovaga kumukumya, kunguno nguzu yafumaga kuwakwe na yavapizaja vose.
20Na wavasanulilaga minso vahemba vakwe, wahaya, Mwelukilwa inwe vapina, kwisi vutemi wa Mulungu vuliho kuwinwe. 21Mwelukilwa inwe mulikolwa nzala, kwisi mukwiguta. Mwelukilwa inwe muli na kililo lelo, kwisi mukuseka. 22Mwelukilwa inwe ulu vanhu vakumugaya na kumufumya na kumufusa na kulikana lina 23linwe kitisi ivi, kunguno ya Mwana wa Munhu. Mudehe lusiku lwenulo na mugiye, kwisi lolagi, vusyokeziwa winwe vuli vuhanya mwilunde, kwisi sisyo sisyene vansavo vavitilaga vafumbuzi. 24Alisi musyolo kuwinwe vasavi, kwisi mwamalile kupiwa ihulicho linwe. 25Musyolo kuwinwe hovene muliguta lelo, kwisi mukukolwa nzala. Musyolo kuwinwe muliseka lelo, kwisi mukusaya na kulila. 26Musyolo kuwinwe ulu vanhu vose valimukumilizya inwe, kwisi sisyo sisyene vansavo vavitilaga vafumbuzi va vulamba.
27Alisi ndimuwila inwe hovene muligwa, Muvatogwe vanisi vinwe, muvitile tusoga hovene valimugaya inwe; 28muvadosye hovene valimusemelela inwe; muvalombele hovene valimuleva inwe. 29Homwene alikutula kwitama limo umugalulile na liye; na homwene alikupuzya 30mwenda gwako, uleke kumuhangilizya na nhanzo. Na homwene alikulomba umupage; na homwene alikupuzya chako, 31uleke kukova akisyoche. Na kitisi mulikova vanhu vamwitile inwe, sisyo sisyene muvitile venavo. 32Ulu mulivatogwa venavo valimutogwa inwe, kisa kinwe kili kuhe? Kwisi vakenaguzi vene valivatogwa venavo valivatogwa. 33Ulu mulivitila tusoga venavo valimwitila inwe tusoga, kisa kinwe kili kuhe? Kwisi vakenaguzi vene valita sisyo. 34Na ulu mulivagopisya venavo mulisigizya kupiwa hangi kuwavo, kisa kinwe kili kuhe? Kwisi vakenaguzi valivagopisya 35vakenaguzi, kigele vapiwe genaya gene hangi. Alisi muvatogwe vanisi vinwe, na mwite tusoga na kugopisya vuduhu kwisigizya kusyokeziwa hangi, na vusyokeziwa winwe vukuvi vuhanya, na mukuvi vana va Mwenuyo ali kwigulya, kwisi uyo alivitila tusoga venavo vakavile na kalumbilo na vavi. 36Muve na kigongo kitisi Vava winwe ali na kigongo. 37Mukayangule ngʼo, na inwe kuyangulwa ngʼo; na mukataganizye ngʼo mu kitanga, na inwe kutaganiziwa ngʼo mu kitanga. 38Mutondole, na inwe mukutondolwa. Mupane, na inwe mukupiwa, ngelo yokalile na yakindagililwe na kusugusiwa na kuseseka vakumupa inwe mwitango linwe; kwisi na ngelo yeniyi muligeleka, inwe vene mukugelekelwa hangi.
39Alisi wavawilaga mukolani, Muhofu alikovola kumutonga muhofu mwiye? Kinahe, venava vavili kugwila ngʼo mwikandilo? 40Muhemba akavile muhanya kukila ise vuhemba, alisi homwene alimala kuhembekwa akuvi kitisi muhembeki wakwe. 41Kuki ulikavona kapalala mu linso lya muduguyo, alisi ukaguwine 42mugamba mu linso lyako? Lumehoki ulikovola kumuwila muduguyo, Mudugu, leka nakinje kapalala mu linso lyako, alisi ukaguwine mugamba mu linso lyako. Mugulumi! Ugwinje hambele mugamba mu linso lyako, na haho ukuvona sisoga kukinja kapalala mu linso lya muduguyo. 43Kuduhu muti musoga gulifyambya fisumo fivi, ninga muti muvi kufyambya ngʼo 44fisumo fisoga, kwisi kila muti gulimanikiziwa ha fisumo fyago; kwisi vakavile kuyava nkuyu ku vulula, ninga 45ngʼo matunda ku mavutundulu. Munhu musoga alifumya tusoga ku mbiko yakwe nsoga ya moyo, na muvi alifumya tuvi ku mbiko yakwe mbi, kwisi mulomo gwakwe guliyomba ku genaya galigokazya moyo.
46Kuki mulinitana nene Guku, Guku, na inwe mukavile kwita genaya ndiyomba? 47Homwene aliza kuwane na aliyigwa na kuyilindila mihayo yane, nkumolecha inwe mwenuyo alimwikola. 48Alimwikola munhu homwene wayizengaga numba na wayisimbilaga hasi na wagutulaga musingi gwayo kwigulya nʼitale; na aho likamilamasenga lizaga mongo gwayipamaga numba yeniyo na gukakovolile kuyitinginya, kunguno yavagi yizengilwe sisoga. 49Alisi homwene aliyigwa vuduhu kwita, alimwikola munhu homwene wayizengaga numba hʼisenga vuduhu kuyisimbila hasi, na mongo gwayipamaga na itungo lili yagwaga, na vugwe wayo wavagi vuhanya.
Currently Selected:
Lukasi 6: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.