Vagalatia 6
6
1Vadugu, ulu umo wavulagwa vukenaguzi vumo, haho inwe, hovene muli va roho, mumugolole mwenuyo mu roho ya vudekanu; alisi naʼho wikomye mwenekili, 2kwigela ngʼo ugemwe sisyo savasava. Mwisuhuzye ungi ku ungi miligo zinwe, na syenisyo muyimazye 3ngʼhama yamwa Kristo. Kwisi ulu umo aliwiganika ali wa kapanga alisi akavile sisyo, aliwiyenga mwenekili. 4Alisi kila umo ayipime milimo yakwe, haho akukovola kwikuzya mu moyo kunguno yakwe mwenekili duhu, na ngʼo mugati na kwikolanizya na vangi; 5kwisi kila umo akugusomba muligo gwakwe mwenekili.
6Alisi mwenuyo alihembekwa Muhayo ave na lusangi mugati na tusoga tose hamohene na mwenuyo alimuhembeka. 7Muleke kwipuvila inwe venekili, Mulungu akakovolilwe kuyeywa, kwisi genaya munhu aligaviva genaya gene alagimbule. 8Kwisi homwene aliviva ku muvili gwakwe, alimbule mu muvili vuzimanguke; na homwene aliviva ku Roho, alimbule kufuma mu Roho vuzuvuku wa hanahana. 9Tuleke kuzova kwita tusoga, kwisi ulu itungo lyafika tulimbule, ulu tukazovile. 10Kunguno tutali tuli na itungo tuvitile vose tusoga, alisi hambele muno vigisu vʼisanizyo.
11Lolagi na malumeho mahanya ndimutonela inwe na kukono kwane nene mwenekili. 12Vose venavo valikova kuvi nʼisima ha muvili valimukungilizya inwe kutahiriwa, ku nguno iyi duhu ati, valeke kudukiwa kunguno ya musigiti gwamwa Kristo. 13Kwisi ninga venavo vatahirivilwe vakavile kuyimazya ngʼhama, alisi valikova inwe mutahiriwe, kigele vikumilizye kunguno ya mivili zinwe. 14Alisi yive kule kuwane nikumilizye sumbwa duhu kunguno ya musigiti gwamwa Guku wiswe Yesu Kristo, mugati nago liwelelo lyakomelilwe 15kuwane, nane ku liwelelo. Kwisi kutahiriwa ninga kuleka kutahiriwa kukavile kinhu, sumbwa vutundwa vupya. 16Na vose venavo hovene vakululonda ludonho lwenulu kuhola na kigongo kive kwigulya navo, na kwigulya na Visraeli va Mulungu.
17Vukumbu na lelo kuduhu umo anduche na mihayo; kwisi ndi nago mavamba gamwa Yesu ku muvili gwane. 18Kisa chamwa Guku wiswe Yesu Kristo kiveho hamohene na roho yinwe, vadugu. Amen.
Currently Selected:
Vagalatia 6: Nym51
Highlight
Copy
Compare
Share
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
