Vagalatia 4
4
1Alisi ndiyomba giki: itungo lyose musaliki atali mudo vukavileho vulekane mugati nawe na musese, 2nulu ali guku kwigulya na isalo lyose, sumbwa ali hansilili na valezi na vakasika lufungulo, kusika itungo lyenilo lyakindikilwe na ise. 3Na sisyo iswe vene, aho twavage vado twavage vasese hansilili na vuhembeki wa mbele wa liwelelo. 4Alisi aho itungo ilo lyakindikilwe lyafikaga, Mulungu wamutumizaja Mwana wakwe, 5wavyalilwe na mukima, wavyalilwe hansilili na ngʼhama, kigele avakomole venavo vavage hansilili na ngʼhama, kigele tuve vana. 6Na kunguno inwe muli vana, Mulungu wamutumizaja Roho wa Mwana wakwe mugati na myoyo yinwe, homwene alilila, Abba, Vava. 7Kunguno yeniyi veve ukavile hangi musese sumbwa mwana; na ulu uli mwana, uli musaliki savasava mugati na Mulungu.
8Alisi kale aho mwavage mukamumanikizye Mulungu, mwavage vasese va milungu hoyene yikavile milungu loleyene. 9Alisi lelo mwamalaga kumumanicha Mulungu, ahene, mwamanikizivilwe na Mulungu; lumehoki lelo mulisyoka hangi ku vuhembeki wa mbele howene vuli vupina na vukavile na nguzu, na kuvutumamila 10hangi kitisi vasese? Mulizikomya nsiku na myezi na 11matungo na myaka! Ndogoha kunguno yinwe ati hamo natumamaga cha gele mugati ninwe.
12Ndimulomba, muve kitisi nene, kitisi nene mwene navile kitisi inwe. Inwe mukansumulile muhayo gumo. 13Alisi mulimanicha ati yavagi kunguno ya vusakazu wa muvili gwane namutanizaja inwe hambele na mbele 14Mhola ya Chelu; na wenuvo hawane howene wavagi igemelo kuwinwe mukavuvengelezizye, na mugati navo mukawine kinyati kuwinwe, sumbwa mwananukulile nene kitisi malaika wa Mulungu, kitisi Kristo Yesu. 15Alisi lelo chelu kinwe chenicho kili kuhe? Kwisi ndimupa inwe vusangilwaho wenuvu ati, ulu mbe yakovolwa mbe mwagadubulaga minso ginwe na kumpa nene. 16Kinahe, navile mwanisi winwe kunguno ndimuwila inwe hanayene? 17Venavo valimusemuzya inwe, alisi ngʼo mugati na nzila nsoga, sumbwa valikova 18kumusunda inwe, kigele muvasemuzye venavo. Yili sisoga kwisemuzya hanahana mu tusoga, na ngʼo mwitungo lyenilo duhu ndiho hawinwe. 19Vana vane, hovene ndimuvyala hangi na vusungu kusika Kristo alipiwa luhusa kwigela mugati ninwe. 20Ahene, nditogwa lelo kuviho hamohene ninwe na kugupilula muzwi gwane; kwisi nditavaniwa kunguno yinwe.
21Mumbwile inwe hovene mulikova kuvi hansilili na 22ngʼhama, mukavile kuzigwa ngʼhama? Kwisi yatonwa ati Abrahamu wavagi na vana vavili, umo wa 23musulila, na ungi wa munamiko. Alisi mwenuyo wa musulila wavyalagwa ku mutindo gwa muvili, alisi mwenuyu wa munamiko kunguno ya ilagano. 24Yeniyi yili kitisi mukolani: vakima venavo vavili vali kitisi malagano avili, limo kufuma lugulu lwa Sinai, holyene 25lilivyala ha vusese, holyene lili Hagari. Kwisi lugulu Sinai lulitanwa Hagari kwenuko ku Arabia, na lulikola Yerusalema ya hagisi; kunguno yilimo mu vusese hamohene na vana vayo. 26Alisi Yerusalema ya 27higulya yili namiko, nayo ali niniswe. Kwisi yitonilwe,
Wihalale veve mugumba homwene ukavyalaga;
Uhamuke na kilaka hoveve ukawine vusungu wa kuvyala!
Kwisi vana va mwenuyo ali inene vali vingi kukila va mwenuyo ali nawe mugosi.
28Alisi inwe vadugu muli vana vʼilagano, kitisi Isaka. 29Alisi isyo kale mwenuyo wavyalilwe ku mutindo gwa muvili wamudukaja mwenuyo wavyalilwe ku mutindo 30gwa Roho, sisyo sisyene lelo. Alisi vutone vuliyomba kinahe?
Umupezezye hanze musulila na mwana wakwe, kwisi mwana wa musulila kusalika ngʼo hamohene na mwana wa munamiko.
31Kunguno yeniyi vadugu tukavile vana va musulila, sumbwa va mwenuyo ali munamiko.
Currently Selected:
Vagalatia 4: Nym51
Highlight
Copy
Compare
Share
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
