Vaefeso 5
5
1Kunguno yeniyi muve valondezi vamwa Mulungu 2kitisi vana vatoneke; musimize mugati na kutogwa, kitisi Kristo mwene wamutogagwa inwe na wipanaga mwenekili kuwinwe, kipanwa na kitambo kumwa Mulungu hochene kili na vumotu vusoga. 3Alisi vuyanzani na zoma zyose na mavutamanilwa galeke ninga kuyombwa mugati ninwe, kitisi yilivadima vasondo, 4ninga ngʼo milimo ya nsoni, ninga ngʼo mihayo ya vupulunganu, ninga ngʼo mihayo ya nhagila, hoyene 5yikasikile, sumbwa muno kalumbilo. Kwisi yeniyi mumaniche vuliko ati, kuduhu muyanzani, ninga munhu wa zoma, ninga wa vutamanilwa, homwene ali mwisenga fimbulimbuli, ali na isalo mu vutemi wamwa Kristo na Mulungu. 6Kuduhu umo amuyenge inwe na mihayo ya gele; kwisi kunguno ya genayo kisila cha Mulungu kilivafikila vana va ivengwe. 7Kunguno yeniyi muleke kuvi na lusangi na vanhu venavo. 8Kwisi kale inwe mwavage giti, alisi lelo mwavile lumole 9mugati na Guku; musimize kitisi vana va lumole—fisumo fya lumole filigela mugati na vusoga vose na 10vugololoku na hanayene—na mugemele genayo galimutogezya Mulungu. 11Muleke kuvi na lusangi na milimo ya giti, hoyene yikavile kufyambya fisumo, sumbwa muyidakile. Kwisi yili nsoni ninga kukanya genayo venavo valita mu lwiviso. 12Alisi gose galigela ulu galifumbulwa na lumole. 13Kwisi genayo galifumbulwa galigela kitisi lumole. 14Kunguno yeniyi yiliyombwa,
Umisye veve homwene ulilala tulo, na uhembuke ku vafwile, na Kristo akukumulika veve.
15Haho mwikomye muno isyo mulisimiza, ngʼo kitisi 16vahumbu, sumbwa kitisi vavalaganu; mugatumile matungo genaya sisoga, kwisi nsiku zyenizi zili mbi. 17Kunguno yeniyi muleke kuvi vuduhu masala, alisi mukimaniche cheniki kili kikowa cha Guku. 18Muleke kukolwa na walwa mugati navo wivonya vulimo, sumbwa mokaziwe na Roho. 19Musunsumule hamohene mugafi na zaburi na magongozi na nimbo nsondo, na mumwimbile na mumugongole Guku mu myoyo yinwe. 20Hanahana mumulumbile Mulungu Vava ku tosetose 21mu lina lyamwa Guku wiswe Yesu Kristo; na mwitunye hamohene, umo na mwiye, mugati na kumogoha Kristo.
22Vakima vitunye ku vagosi vavo kitisi kumwa Guku. 23Kwisi mugosi ali mutwe gwa mukima, kitisi Kristo mwene ali mutwe gwʼivilingano, nawe ali Mupizya wa Muvili. 24Alisi kitisi ivilingano lilitunya kumwa Kristo, sisyo sisyene vakima vitunye ku vagosi vavo mugati na tose. 25Ninwe vagosya, muvatogwe vakima vinwe, kitisi Kristo mwene walitogagwa ivilingano, na wipanaga mwenekili kunguno yalyo, 26kigele alisondohye, aho wamala kulyezya mugati na kogiwa kwa minzi na muhayo, 27kitisi walaganaje, kigele iletele mwenekili ivilingano lya lukumo, holyene lili vuduhu kimelo na mikinya na gangi gene ga mutindo gwenugu, kigele live isondo na vuduhu ipuvyo. 28Syenisyo vagosya valitondwa kuvatogwa vakima vavo kitisi mivili yavo venekili. Homwene alimutogwa mukima wakwe, aliwitogwa mwenekili; 29kwisi kufuma kale kuduhu munhu wagugayaga muvili gwakwe mwenekili, sumbwa aligulisya na aligulindila, kitisi Kristo mwene alililindila ivilingano. 30Kwisi iswe tuli fivalango fya muvili gwakwe. 31Kunguno yeniyi munhu akumuleka ise na nina, na akudimana na mukima wakwe, navo vavili vakuvi muvili gumo. 32Mbisila yeniyi yili nhanya, kwisi ndiyomba yeniyi kunguno yamwa Kristo na ivilingano. 33Haho inwe vose, kila umo amutogwe mukima wakwe kitisi aliwitogwa mwenekili; alisi mukima amukuzye mugosi wakwe.
Currently Selected:
Vaefeso 5: Nym51
Highlight
Copy
Compare
Share
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
