Vaefeso 4
4
1Ndimuhana inwe, nene mutungwa kunguno yamwa Guku, musimize kitisi yiligelanila na kwitanwa kwenuko hokwene mwitanilwe nako, 2mugati na vudekanu vose na vukondu na vulembezu, mwilembele ungi ku 3ungi mugati na kutogwa, na mugangadike kululindila lusangi lwa Roho mugati na itunga lya kuhola. 4Guliho muvili gumo duhu na Roho yimo, kitisi savasava inwe mwitanilwe na isigizyo limo mugati na kwitanwa kwinwe; 5Guku umo isanizyo limo, kogiwa kumo, 6Mulungu umo, nawe ali Vava wa vose, homwene ali kwigulya na vose, na kunguno ya vose, na mugati na vose.
7Alisi kila umo mugati niswe twapivagwa kisa ku kipimo cha kipanwa chamwa Kristo. 8Kunguno yeniyi yayombilwe,
Aho walinaga higulya wavajanaga vasamhwa na wavapaga vanhu fipanwa.
9Alisi muhayo ugu: Walinaga higulya, guli na nguno ki 10ulu yikavile yeniyi ati, waliwasoka ku liwelelo ku nsi 11zya hansilili? Mwenuyo wasokaga ali mwenuyo mwene walinaga higulya muno kukila malunde, kigele agokazye gose. Na wavapaga vamo kuvi vatume, vangi kuvi vafumbuzi, vangi kuvi vatanizya va Mhola 12ya Chelu, vangi kuvi vadimi na vahembeki, kigele avakomezye vasondo ku milimo ya vukumba, muvili 13gwamwa Kristo guzengwe, kusika iswe vose tukufikaho kuvi va lusangi lumo mugati na isanizyo na kumumanicha vuliko Mwana wa Mulungu, na kuvi vanhu vakomezu, na tusike kumwikola Kristo mugati na vakale wakwe. 14Kwigela ngʼo tuve hangi velele hovene volifilwa uko na uko, na valipepeziwa na kila muyaga gwa vuhembeki mugati na vuyengani wa vanhu na 15vuhuguku wa kulonda nzila ya vupuvya; alisi kigele tuyidime hanayene mugati na kutogwa, na tukule tumufikile Kristo mugati na gose, homwene ali mutwe. 16Kwisi mugati nawe muvili gose gulilimbiwa na gulidimaniwa mugati na vugwasya wa kila ilimbizyo hanuma na nguzu ya kila kivalango, syenisyo muvili gulikula na guliwizenga gwenekili mugati na kutogwa.
17Genaya haho ndiyomba na ndisangilwaho mugati na Guku: muleke kusimiza hangi isyo vapagani valisimiza 18mu miganiko gavo ga gele, na vakinganizivilwe na giti mu masala gavo, na valugalililwe ku vuzuvuku wa Mulungu kunguno ya vulendelezu wa myoyo yavo. 19Hovene, kunguno vaduhile mu moyo, vitavulaga venekili ku wivonya kuvezya zoma zyose mugati na vutamanilwa. 20Alisi inwe mukahembekilwe syenisyo kunguno yamwa Kristo, 21ulu mwamwigagwa na mwahembekagwa kunguno yakwe, kitisi hanayene yilimo mugati na Yesu. 22Kunguno ya kisimizile kinwe cha kale mwahembekagwa kuzula munhu wa kale, homwene 23alivipiziwa na mawigomelwa ga vuyengani, alisi muveziwe vupya mu Roho ya isala linwe, 24na muzwale munhu mupya, homwene watundilwe ha wikole wa Mulungu mu vugololoku na vusondo wa hanayene.
25Muleke kuyomba vulamba, alisi muyombe hanayene, kila umo na muzenganwa wakwe, kunguno tuli fivalango fya muvili gumo hamohene. 26Ulu mwakilwa muleke kukenagula, limi lileke kuloka kisila kinwe kitali kutuna. 27Muleke kumupa Shetani hakwikala hawinwe. 28Homwene ali mwivi, aleke kwiva hangi, sumbwa atumame na ite tusoga na makono gakwe mwenekili, kigele ave nacho cha kupana ku mwenuyo ali na mafundo. 29Kuduhu muhayo muvozu gufume ku milomo zinwe, sumbwa mihayo misoga hoyene yilikovola kuzengula henaho yilifundwa, kigele yivape venavo kisa 30hovene valiyidegeleka, Muleke kumusatya Roho Nsondo wa Mulungu, mugati na mwenuyo mwatulililwe lumanyilo kusika lusiku lwa vukomolwa. 31Vululu vose na kiniga na kisila na ibubu na mafusano gingike 32kuwinwe, hamohene na kayaya kose. Muve na kigongo ku vikinu hamohene, muve na lusungu ku vikinu na mwitondole hamohene, kitisi Mulungu mugati na Kristo wamutondolile inwe.
Currently Selected:
Vaefeso 4: Nym51
Highlight
Copy
Compare
Share
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
