Imbombo zya Vapositili 20
20
UPavuli mu-Makedoniya, navaGiliki na mu-Tiloya
1Ilelo lwʼahapaka hanaha hatehama, pʼuPavuli ahavavunganihʼavasundikwa nukuvasoha, pisinda ahalagana navo, ahavuha ukuvala ku-Makedoniya. 2Ilelo pʼahapanguzya mwonti munsʼila, ahayangʼamazwʼaminji aga kuvajimṿwʼamaha, ahafiha namuvuGiliki. 3Mwʼahadilʼamezi gatatu. Ilelo lwʼakuti alambe ukuvala mu-Sili, pʼavaYuda vahati tumwuvilile mwidala, pʼuwene ahasiva ilya kugaluha ukutuha mu-Makedoniya havili. 4Pe vahamusindishila uSopateli umwana wa Pilo uwa mu-Beloya, nuAlisitaliki nuSekundi ava mu-Tesaloniki, nuGayi uwa mu-Delibe, nuTimoti inga nuTikika nuTilofimu ava mw-Asiya. 5Ve vahalongolela kwilongolela, vahatugulilila mu-Tiloya. 6Lwʼuchaka wa makati amasitanyambo apitilila, pe tuhalambʼusumbi ukufuma mu-Filipi, tuhavaga mu-Tiloya lwe twajenda amanda gasano. Mwe tuhadila amanda gasano nagavili.
UYitika
7Ilelo pisikʼitanzi ilya PaMulungu pe tuhavunganʼukumensulanyʼumukati. PʼuPavuli wʼatili akulavila shandavi, ahavavuzyʼinongwa. Ahatalimfwa nkani ukuyangʼizwi, ahafiha nalyo pavusiku pahati. 8Ilelo munyumba ya kwigulu mwe twavungine mwʼinkozyo zyalʼinyinji. 9Ilelo pali wokʼumulumendo wʼali wʼuYitika izina, wʼatendime pawindo. Pe tuhamupotʼutulo utugomu shʼuPavuli ahaṿile nkanʼukuyanga. Pʼutulo tuhamupota nkani, pʼahasaguha kumwanya kwigulu lya vutatu, ahagwa pansi. Pe vahamusenda, vahati afuye nzila. 10PʼuPavuli ahiha, ahamugwila, ahamufuhatila, ahati: Mutazumʼahalanga. Uvulanzi vwakwe vuli mumwakwe. 11Ilelo pʼahazuva kumwanya nohavili, ahamensulanya umukati, ahalya. Pʼahavavuzyʼinongwʼinyinji ahapelela nazyo lwe kushiye, ilelo pʼahasogola vovulo. 12Wope numulumendo vahinza nawo pe twali she mulanzi. Gahishila nkanʼamoyo gavo.
Uvulendo mua ku-Mileti
13Pʼiswe tuhalongolela kwilongolela ukunyatulwa mwa sumbi ukuvala mw-Aso, she mwe tuhatinji tukumupashilʼuPavuli. Zyʼalajizizye wuyo shʼatili ukujenda ulwa ṿinama. 14Ilelo pʼahahomana naswe mw-Aso, pe tuhamwinjizya tuhafiha nawo mu-Mitileni. 15Pe tuhavuha pupo ukulamba, tuhavalʼukulungamana niya mu-Chiyu shandavi. Ilya vwasha lelo pe tuhafiha mu-Samu, tuhavalʼukufiha namu-Mileti pisiku ilyamwavo. 16ShʼuPavuli atili tukupitilila pa-Efeso shʼatakasimʼukuhava mw-Asiya. Avilingine shʼatili ingʼuMulungu animiye nkuva mu-Yelusalemu pachaka wa Pentekositi.
UPavuli akuvilʼimbila ya kuvalaga avaEfeso mu-Mileti
17Ukufuma mu-Mileti ahatumʼintumi ku-Efeso iya kuvitʼavasongo va shivanza. 18Ilelo lwe vinza kuli wuyo, pʼahavavuzya ahati: Mwatalisile pala pe ninzile mw-Asiya umu, mumanyile inza she nali namwe shima amanda gonti, 19lwe nkumuvombelʼuMwene muvwahayiṿizye vwonti namansozi nindigo zye zyanazile shʼavaYuda vahandevenzyaga; 20inza she ntazyisile nazimo izya kuvatula pidala lya vulanzi, zye nkazikumusya nukuvasambilizya imwe apazelu kuvantu namunyumba zyinyu, 21she nkahomeshezya ukuvavuzya avaYuda navaGiliki ulupinduho lwa kupindushila kwa Mulungu nulwitiho lwa kumwitihʼuYesu Chilisiti uMwene witu. 22Yenyi lelo ne mukungwa mumupepo nkuvala mu-Yelusalemu, muzimanyile zye zikuninzila mumwo. 23Nzimanyile zizyo zyeka zyʼakuyangʼuMupepʼuMufinjile munkaya zyonti mwe nkujenda ukuti amanyololo namayimba gakungulilila ine. 24Zye ntakusajilʼine, vwope nuvulanzi vwane ntakuyilinjila ukuti vulʼuvugomʼuvulive ndali. Nkandi ukuti imalilizye ulujendo nimbombo yane yʼampiyʼuMwene Yesu iya kuzihomeshezyʼinongwʼinyinza zya vwila vwa Mulungu. 25Yenyi lelo manyilʼine ukuti mwenti mwe mwalipo mwe najenzite ukukumusyʼuvumwene vwa Mulungu mutalivuyizyʼukunenya muminso. 26Mwe mumwo nkuvavuzyʼine ilelo nkuti: Nte nazimo izya kutezyʼumuvanda wa muntu numo. 27She ntazyisile nazimʼine, mbavuzizye zyonti zyʼuMulungu akasime. 28Mwandaje muyenyajʼahinza mwenemwe, mulyenyajʼahinza lyope nidimilo lyonti lyʼuMupepʼuMufinjile avavisilʼimwe ukuva mwe vasunzi, ukuti mudimajʼishivanza sha Mulungu shʼashikazile namavanda gakwe wuyo. 29She zye manyilʼine ukuti lwe nasogola, pe galivinzilʼamapumpi ge gatalilipepelezyʼidimilo. 30Namwe mumwinyʼumu avantu vamo valitumpuha ve valiyanga ingombanu izya kuvahopelezyʼavasundikwa ukuti vavalandate vuvo. 31Mwe mumwo mudamulilaje, mukumbuhaje zyʼine nalindiye mumaha gatatu gala shamusanya nuvusiku lwe nkavasohaga shima namansozi mwenti mwe muvaliye woka woka. 32Shinishi lelo nkuvaviha munyove zya Mulungu namwizwi lya vwila vwakwe, uno wʼali namaha weka aga kuvapa poka navafinjile vontʼuvupwano vwinyu. 33Ntasungwaga nalumo nga wʼufeza nusahabu pamʼamenda ga muntu. 34Namwe mumanyilʼukuti niṿwanʼiṿintu niṿwa ve nali navo zyalonkaga zye nyove zyane zinizi. 35Zyonti zinizi zihava zya kuvasontelʼimwe ukuti muvombaje vovulo aha kuvatulʼavayeyevazu, shima mukumbuhaje nizwi lyʼahayangʼuMwene Yesu lyʼatili: Ukupa nukuposhela—kwinza kwe kupa.
36Ilelo pe lwʼayanga zinizi ahasugamila pansi, ahaputa navo vonti. 37Pe vonti vahakuta nkani amansozi. Vahamukukula munsingʼuPavuli, vahamufipa. 38Vahapitilizyʼukuswimililwa izwi lyʼayanzilʼukuti mutalivuyizyʼukunenya muminso. Pe vahamuviha mumeli.
Currently Selected:
Imbombo zya Vapositili 20: NYi1965
Highlight
Share
Compare
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.
