KYIIMBO KYA FIIMBO 1
1
1Kyiimbo kisha kilanya ya fiimbo fyoose fya Solomony
Kyiimbo kya Mbee
Nndu nka
2Nkyeni firomu fyafo fishimiminde,
Mashika ikunda lyafo mmbo lyiikee isha kilanya ya mfinyu.
3Mafura afo mmbo akee ifwaama nisha nnu,
Na irina lyafo mmbo lyikee sha marashi shilete,
Kweekyo kwakundwa mmbana va kyeny.
4Shiipo, lweende swany,
Mangyi ansheende kyirieny kyakwe.
Llufuraa na ikapa n-ndoro kimaruma kyafo,
Mmbo lurumishaa ikunda lyafo ngota mfinyu.
Yee ni kya dede vana va kyeny mmbo vakwaani deny ikukunda.
5Yeni vaka va Yerusalemu,
Yeny mmbo shikee muu piti
Indi mmbo shisennyi sha meema a Kedari,
Sha surumati ya Solomony.
6Mulasheting'wa nnu elyi shikee muu piti-fo,
Mashika mmwi wanshikora.
Vana vama mmbo veshisswa,
Vakashaallwa nringyi wa marema a misabibu,
Kya indi irema lyakwa shimuni nsheringa-fo.
7A nkye shivia-te nkunde vakwa wa nrima,
Nkwi ndesa kushiisaa moonri afo?
Nkwi ndesa ashiimuyaa kyeeri kya nkwaany.
A nkyiki ndesa shikuruuye nnang'ani ya maronda a va-uroo?
Nndu nsoro
8Yewe kukee nsha ngota vaka woose;
Kwakooya kulaishi tana ule:
Latya ngyayo ta yoonri;
Naasany isa mburu tafo kufii na mmba ta veesi
9Yewe nkunde wakwa wa nrima,
Mmbo kukee sha shau ya frasi ya mitika ya Farao.
10Ngushu tafo mmbo tisennywa nnu mfipulyi,
Na singo ikasennywa mmise misha
11Kya indi mmbo lukusongosyaa mise ya saabu,
Ikee mishope nisha mfesa.
Nndu nka
12Kyeeri mangyi eekee rembo kitiminy kyakwe,
Mmbo kifwaamu kyakwa kisha kyekwaana wo ando.
13Nkunde wakwa wa nrima mmbo shillollye sha nkusha viishwe mane-mane,
Ukee nnang'ani a mavee akwa.
14Nkunde wakwa mmbo awakyye kivaro kya ina kyikeevaa,
Nndeny wa misabibu efo Engedi.
Nndu nsoro
15Ni kya dede sheni mmbo kukee nsha nnu nkunde wakwa,
Kya dede kukee nsha!
Miso afo mmbo akee sha a mbeta!
Nndu nka
16Ni kya dede sheni mmbo kukee nsha nnu yewe shikukunndye,
Mmbo kukee nsha wende!
Mare mavisi mmbo avaa kiri kyeeru.
17Ngo ta mmba yeeru ni mieresi,
Na mapau avayo nnya miperoshi.
Currently Selected:
KYIIMBO KYA FIIMBO 1: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
