USUKUYONY 10
10
Nsu na kyitabu Kinnywa
1Naasa shalollya Nnsu ungyi atiri finya eshoolokaa ooka iruveu, akee nsikye ni ifishi, na ukova lwa ngyima lukee nrweny wakwe; kisangu kyakwe kyikava sha nkyeere, na marende akwe akavaka ngo ta muro. 2Na efo wokony lwakwe arye kyitabu kidu kyikee kitarambwe. Karwaa urende lwakwe usha yoo uwe ya yeeve, na elo umuso kalurwaa ulaniny. 3Nawe kaffwa na unyanga waasha, sha miiso idinaa. Kyeeri alefua, maruruma alya mfungare akariika. 4Kyeeri maruruma yoo mfungare aleriika, llyo shilekudeesya ireiya. Naasa sheeta unyanga looka iruveu lwishambaa, Vikya muuri marero yoo moose alererwa ni maruruma yoo mfungare, kure kulaareiya. 5Na nnsu ulya shilelollya esalalyi uwe ya yeeve na uwe ya uruka, kaorwa woko lwakwe usha na efo iruveu, 6kalya mboo na yeto akee na muu llung'anu fika llung'anu, yeto atannyi iruveu na fyoose fiefo, na ulana na fyoose fiefo, na yeeve na fyoose fiefo, kyeyaamba nkushekaa-fo fyeeri numa ya findo efi-fo; 7kuuta kyeeri kya mikonu ya unyanga llwa lwa nnsu ulya wa mfungare elyi ashekudeesya ikapa iranda, llyo ekyo Iruva akundye kisheinutywoo, shaasa aleongoya vasero yewo vakwe wo vakisuku. 8Na unyanga llwa shelwiita lushukaa iruveu shawuya ilwiita lyingyi lwireraa na yeny, lukaamba, Enda kwandewarya kyitabu kilya kyekee wokony, lwa nnsu ulya alesalala uwe ya yeeve na uruka. 9Naasa shaeengya nnsu ulya shammbia nashiniingye kyitabu kilya kidu. Kashivia, “Kiwarye kukilye. Nakyo kishekuvikyaa kivawo efo ndewuny yafo, kyaindi efo kaniny kyafo kisherolaa sha ukyi.” 10Shawarya kyitabu kyilya efo wokony lwa nnsu ulya, shakilya, kikarola sha ukyi kunu kaniny kyakwa, na kyeeri shemaa ikilya ndeu yakwa ikavava. 11Vakashivia, “Mmbo kyikukooye kuute ukisuku lyingyi kwa vandu na fishomu na vamangyi veengyi.”
Currently Selected:
USUKUYONY 10: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
