SABURI 77
77
Ifweeriswa kyeeri kya ukyiva
1Shafuuya Iruva kwa unyanga uniini.
Shafuuya Iruva naambo aidimi ishirouwa!
2Kyeeri kya ngatara takwa,
Shavaanga Nndumi shaorwa maako akwa kyeeri kya kio kuleefo yaara.
Nta shilalollye nndu weeshifweerisa.
3Shiisoonngyaa Iruva neesokywa mfyoova,
Shiikusaraa neerovywa nriminy.
4Shalala rembo tarara kukakya,
Shasavaa nriminy, shalemwa irera!
5Shakusara kya mikonu ilemmira,
Shakummbwa myaaka ya kasha.
6Kio shakusara na isoonngya nriminy.
Shakusununda neekuvesa ngoony.
7A ndesa, Nndumi mmbo alluisityo-fo deny?
Nkyo nnyakiloora lyingyi ilyillya lyakwe?
8A mmbo isarya lyakwe lyammanda deny?
Nkyo, nnyakyiindya-se fyaasa fyakwe?
9A ndesa Iruva mmbo anrekywa iva mwiilillya?
Nkyo nnyashi yakwe yammwiima ilillya?
10Shawuya shaamba, “Kindo kikeeshivavisa mmwasi,
Nnyelyi Iruva yeto ang'ani alakeetana nta kindo kimwi kyimaruma kyeru!”
11Mmbo shikummbwa mitannyi yafo yewe Nndumi,
Mmbo shikusara mashora afo a kasha ang'ani.
12Mmbo shisoonngya kya mashora afo.
Neekusara kya mirunndye yafo ing'ani.
13Woi, Iruva wo kindo kukeetana mmbo kikee kyeele.
Ni Iruva ungau ang'ani sha Iruva weeru?
14Yewe ni Iruva wa mitannyi ya wende!
Yewe koora masanga wiidimi kutiri.
15Kwa woko lwafo lutiri finya kulekira vandu vafo,
Kwakyira ngyeeri ya Yakobo na Yosefu.
16Kyeeri mura wekulollya ee Iruva
Kyeeri mura ulekulollya mmbo valeereya nnu!
Yee, yeeve ikarerema fika alya ndilyiny.
17Mafishi akapusswa mura;
Maruruma akaitiwa efo nginii-u;
Fimwii fikamika-mika wo ando.
18Kidina-si kya iruruma lyafo kiryani na kitita-si,
Ukova lukamikya ulana na uruka lukaring'ina na irerema.
19Yewe kwavika shia tafo uwe ya yeeve,
Kweenda uwe ya mura ulya mwiingyi,
Lyo ngyayo tafo ntelollywa-fo.
20Kwatetera vandu vafo sha moonri,
Veeteterwa ni Mose na Aron.
Currently Selected:
SABURI 77: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
