SABURI 76
76
Iruva ni mmbingyi
1Uyuda, Iruva mmbo aishiwa;
Na irina lyakwe lyikarumishwa Israeli.
2Kyeny kwakwe ni Yerusalemu;
Na kundo kwakwe kwekaa ni Sioni.
3Efo kafisha mife ya nkiduva,
Kafisha ngao, usu na fisha fya fira.
4Yewe Iruva, itumbe lyafo mmbo lying'ani lyikailannya
Mafumbuu a llung'anu.
5Valya vatiri finya vansokwa filya fyoose vetiri.
Ulaalu mmbo valele rony ta ufu.
Matorito valya va fira vakasiiywa ni finya deny.
6Ee iruva wa Yakobo, llya kulevasakira,
Frasi na vesaama frasi mmbo valefwa popoto.
7Ee, Iruva mmbo kweeresye kweelannya!
Mmbovi ashiidimaa isalala mbee yafo kyeeri kwammiswa?
8Mmbo kwamanyisya mirumbuye lwafo ukya iruveeu;
Ulana lukaereya neemalallya,
9kyeeri kulesalala kwarummbwa mwaandu,
Kwakyira valya woose vakeelamywa yaa ulaniny.
10Nyashi ya vandu mmbo ikweengye kwarumishwa mmbandu,
Na valya vaturunya fireny vavika sukukuu tafo.
11Inutye Nndumi Iruva, Iruva waany kyaasa kyany;
Yeni mukee kufii nniingyeny findo fya pya Iruva yeto aeresye.
12Yeto asokaa vasero va kimangyi muu!
Yeto aeresye vamangyi va ulana.
Currently Selected:
SABURI 76: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
