SABURI 72
72
Kiterewo kya mangyi
1Woi Iruva, idimisya mangyi alatye usumanu lwafo,
Kunloshe itana efyo fikee fya dede.
2Ashillye vandu vafo ndesa kyikundikye,
Yewo vakee vaturi avatannyi fya usumanu.
3Uruka luvikywa mbora kwa vandu vafo,
Fidooro fya-vayo
4Mangyi akapannye vafwafwa,
Atarame yewo vakee vaturi,
Arumate vandu vakee mbafu.
5Mangyi awone muu mwaasha sha nkyeere ukeemika,
Na mwiiri ngyeeri na ngyeeri!
6Avake mmbwa ikeefweerisa nrema
Na mmbwa ikeenisa uruka.
7Avikywa mbora kyeeri kyoose kya muu wakwe.
Na urilalyi kutani mwiiri wammika,
8ashillye kupookya yeeve, kundefika yeeve,
Na mura Eufrate kundefika masiiyony a ulana.
9Vandu vakee kasa koomu vashemwiinndyaa,
Na vakiduva vakwe vashefirya-di mbee yakwe.
10Vamangyi va Tarshishi, na vamangyi va ngyuruka shidu vashemuutya usanu.
Vamangyi va Sheba na Seba vamweengye findo fya pya.
11Vamangyi va ulana loose,
mmbo vamwiindyaa,
Na vandu va masanga moose vamfurukannye.
12Mmbo aniingaa vaturi valya valatiri kindo vakammutereva
Na vafwafwa valya valatiri nndu we-veekya.
13Mmbo alyillyaa vafwafwa na vaturi;
nta nyeenyala yewo vakutiri nawe-fo.
14Mmbwe awoota efo ushingeny na mavineny,
Mashika muu na samu yaawo kwakwe mmbo ivavaa.
15Mangyi nave na muu mwaasha!
Aniingwa saabu na findo fya pyai fyuuka Sheba.
Vandu vammbikye fiterewo kyeeri kyoose,
Na inkunndya mbora nkonu piti,
16uruka luvesywa mbora ya shoonga,
Mafumbu eeshwe mbora ya fimu sha kulya Lebanoni,
Vandu vavikywa mbora vafumbuke muriny sha uruka lwammya mare manuru.
17Irina lya mangyi lyinganiswa kyeeri kyoose;
Umangyi lwakwe lung'aniswa llung'anu.
Vandu woose vavikywa mbora
Na masanga moose kyeendwa mmbwe.
18Lurumishe Nndumi Iruva, Iruva wa Israeli,
Yeto mwiitana findo fyeeresye.
19Itumbe lya irina lyakwe lying'aniswa llung'anu!
Itumbe lyakwe lyiishwe ulaniny koose.
20Umando lwa fiterewo fya Davidi mwana wa Yese.
Currently Selected:
SABURI 72: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
