SABURI 62
62
Nsia kwa uringyi lwa Iruva
1Nrima wakwa mmbo ukevereya Nndumi Iruva
Mashika ukiro lwakwa mmbo lushuka kwakwe.
2Mmbwe muni turuve yakwa, na ukiro lwakwa,
Ngawo yakwa kuleefo weeshikuna.
3Mmbo musakkyaa neeny mufike-kwi
Yeny shikee sha isimamba lyankwiinyika
Na uvarye lukeesinga.
4Mmbo mutiri kyama kyeeshituula-si shuuke yoondo kitiminy kyakwe.
Filya fya wongo mukafura nafyo.
Efyo fya kana kyany ni mbora,
Indi efo miriminy yaany ni kidengo kyiifo.
5Ni kwa Iruva mweni shivikye nsia,
Mashika ngarami yakwa, ni kwakwe yuukye.
6We mmbwe turuve yakwa na ukiro lwakwa,
Mmbwe turuve yakwa kuleefo weeshikuna.
7Ukiro na wiidi mmbo fyuukye, maakony a Iruva.
Iruva mmbwe nringyi na finya yakwa.
8Kyeeri kyoose vikeny nsia kwakwe, yeni vandu.
Mongoyeny efyo fyoose fikee yefo miriminy yaany,
Mashika Iruva mmbwe kirishony kyeru.
9Vandu ni kyimwi sha mumuyo woose
Vaniini na vadu ni kyimwi kwavavika kyeesony,
Ni kyimwi sha uraato woose mmbo vakee vaangu.
10Kulasheevika nsia findony fya ntambo,
Mulakwiishike na masaa a unyinyi,
Nta kulavike-fo nsia kwakooya eengereka.
11Iruva mmbo alenrera lyimwi,
Na yeny mmbo shilemmita kyeengyi na kyeengyi:
Sheelyi finya na wiidimi ni kwa Iruva tuukye.
12Nalyo ikunda lyakwe ni lya fyeeri fyoose,
nawe kaniinga wo nndu kyikwaani na mitannyi yakwe.
Currently Selected:
SABURI 62: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
