Kyeeri kyoose vikeny nsia kwakwe, yeni vandu.
Mongoyeny efyo fyoose fikee yefo miriminy yaany,
Mashika Iruva mmbwe kirishony kyeru.

Ni kwa Iruva mweni shivikye nsia,
Mashika ngarami yakwa, ni kwakwe yuukye.

We mmbwe turuve yakwa na ukiro lwakwa,
Mmbwe turuve yakwa kuleefo weeshikuna.

Nrima wakwa mmbo ukevereya Nndumi Iruva
Mashika ukiro lwakwa mmbo lushuka kwakwe.

Mmbwe muni turuve yakwa, na ukiro lwakwa,
Ngawo yakwa kuleefo weeshikuna.

Ukiro na wiidi mmbo fyuukye, maakony a Iruva.
Iruva mmbwe nringyi na finya yakwa.

Popular Bible Verses from SABURI 62

Free Reading Plans and Devotionals related to SABURI 62