SABURI 36
36
Ulyamari Lwa Nndu
1Ulyamari mmbo lureraa na nndu nravi,
Nnang'ani deny ya nrima wakwe.
Yiindya Iruva nnag'ani yakwe nkwiifo deny-fo
2Nndu nravi mmbo akulollye we muni
eekusara sheelyi uravi lwakwe llumanyikaa kwa Iruva na indenga-fo.
3Wo kindo ashaamba ni wongo na fikasha.
Kalemwa iva mwaarya na itana mesha.
4Elele mmbo akekusara itana makasha.
Wo kindo aketana ni kikasha.
Na nalakunndye ilakana na ukasha.
Isarya lya Iruva
5Ewe Nndumi Iruva,
Isarya lyafo lyikwaani koose fika iruveeu;
Usumanu lwafo mmbo lukwaani fika mafishiny.
6Udede lwafo mmbo luvakye mafumbuu,
Mirumbuye yafo ikavaka ndilyi ya mura mwiingyi.
Ee, Nndumi Iruva ni yewe kuringye fyoose,
Vandu naakwa ni mafisi.
7Ewe Iruva isarya lyafo ni iniini wende!
Vandu woose mmbo varishya
Kwasi ya kirishe kya maaru afo.
8Kwavawutisa na umasi lwa mmba yafo,
Vakana mura wooka kwafo.
9Muu ni kwafo uparikye,
Kyeendwa ni saa yafo lukalollya saa.
10Ewo vakwiishi kwengere ivakunda;
kyeendwa ni isarya kweengere iva mfoo.
11Kulashevaniinga mwaanya ewo vekushoba vashiwoye;
Nta irishywa ni vandu vakasha.
12Ate vammbwa valya vetana makasha;
Vammbwa-si valakiidima ikwiipo.
Currently Selected:
SABURI 36: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
