SABURI 30
30
Yaana Iruva
1Shakurumisha yewe Nndumi Iruva,
Mashika kuleshikira,
Nta nkulelekeya vakiduva vakwa
Vashiteende-fo.
2Ee Nndumi Iruva, Iruva wakwa,
Shilekufuuya na yewe kwashirikya
3Ee Nndumi Iruva,
Kuleshikira kwa varumu,
Kwashuuta efo shie ta vakasha,
4Imbyeny Nndumi Iruva, yeni veele vakwe,
Kummbweny usaari lwakwe na imwaana.
5Ngoo takwe nshaangu,
Indi usaari lwakwe lukaa meeri moose,
Nkwaany kwiifo fiiyo,
Kyaindi ngama ni seko.
6Neeny shaamba efo muuny wakwa,
Nkwiifo kindo kishipaana-fo.
7Ee Nndumi Iruva, kwi isarya lyafo,
Kwashiniinga finya,
Shavaka ifumbu iniini,
Kyeendi kwakusuruma kwaasha neeny,
Neeny shasaukwa.
8Ni yewe shilekufuuya, ee Nndumi Iruva, Shakooshora yewe Nndumi Iruva.
9A ndesa, shafwa kukooya mbusha-ki?
Kwiifo mbusha-ki shammerikwa?
A, ndesa ewo vafu
Vashiidimaa ikurumisha?
A, ndesa vashiidimaa usha lwafo uniini?
10Aranya woi Nndumi Iruva kushililye,
Ee Nndumi Iruva kusheekye!
11Yewe mmbo kwaallwa kiiyo kyakwa
Kyikava kiimbo kyeefura,
Kwashangata misoru yakwa
Kwashishurya seko shapu.
12Kweekyo nshiidimaa imalallya-fo, kyeendi nshiimbaa usuri lwafo,
Shikwaani llung'anu,
Ee Nndumi Iruva;Iruva wakwa.
Currently Selected:
SABURI 30: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
