SABURI 28
28
Itereva Weekyi
1Shakuvaanga woi Nndumi Iruva,
Isimamba lya muu wakwa
Kushaarannyi kyeeri shikuvangaa,
Shilasheeva sha valya vakeoloka kiroriny,
2Kushaarannyi elyi shiifo nkuterevaa
shishoorwaa maako neefo uwe kwafo kweele kushekye.
3Kulashuutye uvingo ando amwi na vandu varavi,
Ando amwi na ewo vetana ukasha;
Vandu vareraa marero mafoo,
Indi ni vandu vaishwe makusaro,
Maravi miriminy yaawo.
4Vautye uvingo kyikwaani na mitannyi yaawo,
Ndesa vatannyi makasha awo.
Vautye uvingo kyeendwa ni mirunndye yaawo veni,
Kuvatannyi efyo fikwaani nawo.
5Mmbasarye mirundye ya Iruva-fo,
Nta mashora a maako akwe-fo,
Kwekyo ni kuti vamamitwa.
Nta valakiidima-se itana lyingyi
6Nndumi Iruva narumishwa,
Elyi alearannya kyiterewo kyakwa.
7Nndumi Iruva mmbwe ngao na finya yakwa,
Elyi alearannya kyiterewo kyakwa,
Mmbwe nrima wakwa ummbikye nsia.
Elyi asheekya shasennywa,
Neeny ni kuti shimwaani na imwiimbya.
8Nndumi Iruva ni finya ya vandu vakwe,
Karinga na ikira mmwambwe mafura wakwe.
9Ee Iruva kira vandu vafo,
Vandu vafo kuvavikye mbora
Kuve mwiisi waawo kuvaringe na ivalola fika llung'anu.
Currently Selected:
SABURI 28: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
