SABURI 25
25
Kiterewo kya ushilyi na uringyi
1Ni kwafo woi Nndumi Iruva, mwitorya,
Shasha ikweengye fiterewo fyakwa.
2Ni kwafo shivikye nsia,
Woi Iruva wakwa
Kulashitiyye shisuke.
Vakiduva vakwa valafure elyi vashivinga
3Ee da! Valya wose vakuvikye nsia mmbasukaa-fo,
Indi valya variingyi mmbo vasukaa.
4Woi Iruva-mwitorya kushoore shia yafo,
Ee, uramba lwafo shilumanyi.
5Kushitetere efo dedeny yafo amwi na ishilosha,
Mashika ni yewe Iruva mwishikira,
Wo nkonu ni yewe shikuvikye nsia.
6Woi Iruva mwitorya,
Kummbwa ikunda na ufoo lwafo uniini
A myeeri myoose na llung'anu.
7Kulakummbwe ngyulyamari ta ukoo lwakwa,
Nta makasha akwa,
Kushikummbwe kyeendwa ni ikunda lyafo,
Woi Nndumi Iruva.
8Nndumi Iruva ni mfoo na mwaarya,
Mmbo alosha na yoora valyamari shia
9Yewo vakunyiisye kavatetera kya usha,
Na ivafunda shia takwe.
10Shia ta Nndumi Iruva shoose,
Ni ta usumanu na udede,
Kwa yewo vainndyaa kyaasa kyakwe,
Na mavavaso akwe.
11Woi Nndumi Iruva Mwitorya, kyeendwa ni irina lyafo,
Kushifwaaye ulyamari lwakwa
Mashika ni uniini.
12Wo nndu aindye Nndumi Iruva,
Mmbwe ashenloshaa meengye ashelatyaa.
13Nndu yeto mmbo ashekooya mbora kyeeri kyoose,
Na mmba yakwe isheniingwaa uruka.
14Nndumi Iruva ni mbuya ya yewo vamwindyaa,
Nawe kavavangisya kyaaseny kyakwe.
15Misa akwa ni kwa Nndumi Iruva shivikye
Mashika mmbwe asheutaa urende lwako,
Yefo nreiyony.
16Kushille woi Nndumi Iruva,
Kushilyilye yeny nkiva na mfwafwa.
17Kushuute yatarika lyakwa,
Kushuute efo ngatareny takwa.
18Kulle unana lwakwa na yaatarika lyakwa,
Kushisarye ngyulyamari takwa toose.
19Lola ndesa vakiduva vakwa vafye,
Lla ndesa vashisuuye kikeelannya.
20Ringa muu wakwa kushikire,
Shakurishya yewe, kulankunde shisuke.
21Ufoo na wiidimi lwafo fishiringe,
Mashika ni yewe shikuvikye nsia.
22Woi Iruva kira vandu vafo Israeli,
Kuvakire yefo ngyukiveny tawo toose.
Currently Selected:
SABURI 25: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
