SABURI 24
24
Mangyi Nniini
1Ulana na fyoose fiifo ni masaa a Nndumi Iruva,
Uruka na woose vakee uwe ya vavyo ni vakwe.
2We mmbwe avikye nsuka wa ulana uwe ya yeeve,
Kalusummya uwe ya mira miniini.
3Mmbi akee nsumanu wa isaama ifumbu lya Iruva-Mwitorya?
Ni mmbi asumannyi yaanga
Efo mmba yakwe?
4Ni vandu valya vamurundya na nrima mwaa,
Valaindyaa maruva engyi,
Nta ilya mboo ya wongo-fo.
5Nndumi anringaa na immbikya mbora;
Iruva mmbo amwaallwa wa usumanu.
6Eyo nnyo mikaaye ya vandu varuuya Iruva,
Mikaaye ya vandu vafikaa,
Kwa Iruva wa Yakobo,
7kyasiany! Eni myaango ruikeny,
Ruikeny eni myango ya kasha,
Naambo mangyi ya itumbe naange.
8A mmbi mangyi yeto wa itumbe?
Ni Nndumi eto atiri finya na wiidimi,
Nndumi mwiwinga fira.
9Eni myaango ruikeny,
Ruikeny eni myaango ya kasha,
Naambo mangyi ya itumbe naange.
10A mangyi eyo mmbwe vi?
Ni Nndumi Iruva muni finya,
We mmbwe mangyi ya itumbe.
Currently Selected:
SABURI 24: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
