SABURI 16
16
Itereva Uringyi
1Shiringa woi Iruva, Mmbo shakweera kwafo,
naambo kushitarami.
2Shavia Nndumi, “Ni yewe Nndumi wakwa,
Shilatiri kindo kingyi kisha kuuta yewe.”
3Veele vatokyi vakee yaa ulaniny,
Ni ifura ikaa amwi nawo.
4Valya veefo varuuya maruva engyi,
Vakeengera fyoova na ukiva,
Nta shilapaana samu ya firaso fyawo,
Nta isenda marina awo kaniny kyakwa.
5Nndumi mmbwe finya yakwa.
Na muu wakwa shawaara kwakwe.
6Kashivika ando kusha
Yee-da kaveshiniinga dingu shisha
7Shirumishaa Nndumi kya mesha akwe,
Na elyi kyio kafweerisa nrima wakwa.
8Shavika Nndumi efo mbee yakwa,
Mashika we mmbwe woko lwakwa usha.
Shilavaa yuutwa-u.
9Kwekyo nrima wakwa ukeefura,
Na ngoo yakwa ikerumisha,
10Mashika nkureeya nrima wakwa kwa varumu-fo,
Nta kulaniingya mweele wafo naone ukyiva-fo.
11Mmbo kushoora shia ya muu
Mbee ya usangu lwafo mmbo kuishwa ifura,
Na efo wokony lwafo usha mmbo nkwiifo mesha fyeeri filung'ani.
Currently Selected:
SABURI 16: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
