SABURI 118
118
Kiterewo kya Yaana Uvingyi
1Haleluha.
Aniny Nndumi Iruva kimmba akee nsha!
Mashika ilyillya lyakwe llya llung'anu.
2Ulaalu Israeli vaambe:
“Mashika isarya lyakwe llya llung'anu.”
3Ufyari lwa Aron vaambe ulaalu:
“Mashika isarya lyakwe llya llung'anu.”
4Veenndya Nndumi Iruva vammbe ulaalu:
“Mashika isarya lyakwe llya llung'anu.”
5Kyeeri shekee ukiveny mmbo shilevaanga Nndumi Iruva,
Nndumi Iruva kashirouwa kashivika andu atiri mwaanya.
6Nndumi Iruva mmbo akee kyaalu kyakwe nta nshishereyaafo.
A nndu wa vandu nki ashitannyaa?
7Nndumi Iruva mmbo akee kyaalu kyakwa, kava mmbwe mweeki wakwa.
Nkyo yewo vashikusuuye mmbo vavingwaa shilollye.
8Nngoma irishya kwa Nndumi Iruva
Ngota ivika vandu nsia.
9Nngoma irishya Nndumi Iruva,
Ngota ivika vaniini nsia.
10Vandu va masanga woose mmbo valeshiringitya,
Shavafwallya kwasha na irina lya Nndumi Iruva.
11Vakashiringitya yee vakashiringitya sho,
Shavafwallya kwasha na irina lya Nndumi Iruva
12Mmbo valeshiringitya sha shuki;
Nawo vakarumiika sha muro wa miingeny.
Shavafwallya kwasha na irina lya Nndumi Iruva.
13Mmbo kuleshisindika deny naambo shiwe
Lyo Nndumi Iruva kashisiika.
14Nndumi Iruva mmbwe finya yakwa na kiimbo kyakwa;
Nawe mmbo ukiro lwakwa.
15Ngyunyanga ta ifura na ta ukiro, Mmbo taitiwa kwa yewo va usumanu,
Woko lwa Nndumi Iruva usha mmbo lwatana finiini!
16Woko lwa usha mmbo lwarumishwa
Woko lwa Nndumi Iruva usha mmbo lwatana finiini.
17Nshishefwaafo mmbo nkaa na muu,
Neeny mmbo nshevambisaa mashora a Nndumi Iruva.
18Nndumi Iruva mmbo aleshikaba nnu,
Lyo nalare shireke.
19Shiruyeny myaango ya usumanu,
Shaange nafo shaani Nndumi Iruva.
20Ngiri yei nnya Nndumi Iruva,
Veanga nafo ni yew ova usumanu.
21Mmbo nshekwaanaa kimba kwashirouwo,
Kwaveva ukiro lwakwa!
22Iwe elyo veetana mmba valelyilema
Mmbo lyileva iwe isongoru lya nummba.
23Irero elyi mmbo lyooka kwa Nndumi Iruva,
Nalyo lyikava kindo kyeyaawuta.
24Ekau nkonu Nndumi Iruva auende.
Mmbo lukesaa neefura nato.
25Woi Nndumi Iruva lwakufuuya-dwa kulukire.
Woi Nndumi Iruva luwone iviiri, lwakutereva.
26Ngoma ni yeto asha na irina lya Nndumi Iruva.
Lwiikee mmba ya Nndumi Iruva mmbo lushevakundyaa mbora.
27Nndumi Iruva mmbwe Iruva, Nawe mmbwe alweengye sa.
Ipoony maangashi mwikesaa mweende,
mwiiriani kutani mwafika yoo kitareny kyeerasya.
28Iruva wakwa ni yewe nshekwaanaa!
Iruva wakwa ni yewe, nshekurumishaa!
29Aniny Nndumi Iruva kimmba akee nsha!
Mashika ilyillya lyakwe llya llung'anu.
Currently Selected:
SABURI 118: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
