NEHEMIA 10

1Vandu valevika kiringisyo ekyo ni: Nehemia, mmbwe Tarshata, mwana wa Hakalia, na Sedekia, 2Seraya, Azaria, Yeremia, 3Pashuri, Amaria, Malikiya, 4Hatushi, Shekania, Maluki. 5Harimu, Meremoti, Obadia, 6Danieli, Ginetoni, Baruki, 7Meshulamu, Abiya, Miyamini, 8Maazia, Bilgai, Shemaya, yeva mmbakohani. 9Na Valevi ni, Yesua mwana wa Azania, Binui wa ufyari lwa Henadadi, Kadmieli, 10vana va maye va Shebania, Hodia, Shelita Pelaya, Hanani, 11Mika Rohobu, Hashabia, 12Sakuri, Sherebia, Shebania, 13Hodia, Bani na Beninu.

14Vasongoru va vandu ni Paroshi, Pahat-moabu, Elamu, Satu Bani, 15Buni, Asikadi, Bebai, 16Adonikamu, Bigwai, Adini, 17Ateri, Hezakia, Asuri, 18Hodia, Hashumu, Besai, 19Harifu, Anatoti, Nobai, 20Magpiashi, Meshulamu, Hesiri, 21Meshesabeli Sadoki, Yadua, 22Pelatia, Hanani, Anaya, 23Hoshea, Hanania, Hashubu, 24Haloheshi, Pilha, Shobeki, 25Rehumu, Hashabna, Maaseya, 26Ahia, Hanani, Anan, 27Maluki, Harimu, Baana,

28Na vandu yewo vengi vakasanga na vakohani, Valevi na varingi, veembi, Vanetini, neewo woose va kyaasa kyeeringa mavavaso a Iruva, sanda na vaka vawo na vana vawo, wo umwi atiri nrwe nsha, 29vakakutira ando amwi na vandu vawo na vasongoru, vakalya mboo neekudenga deny, varinge mavavaso a Iruva shaasa aleendwa mmose ulya nsero wa Iruva, varinge mavaso moose a Nndumi Iruva, Nndumi weeru na usumanu lwa vayo. 30Nta vana veru valaore vefu va nguruka tingi, ao nta lulaniingye vefu veru vandu va masanga engi. 31Nta lulashoora findo ao shoonga tikumbwaa nkonu wa Sabato, ao nkonu mweele, na mwaaka wa mfungare lusarye sye toose. 32Neese lukanrumbwa yuuta wo mwaaka fesa shive kimaruma kya mmba ya Iruva weeru, 33mikate ya ando kweele, na kiraso kya nswa, na kiraso kyeekora na muro, kiraso kya sabato na kya mwiiri mwiiya, na kya sukukuu, na kya findo filya fyeele, na firaso fya ngata shoose fya mmba ya Iruva weeru. 34Naasa llyo lulekaba kura, vakohani na Valevi, na vandu woose, lumanyi ufyari lusheendee ngwi mmba ya Iruva, fyeeri fisumani, wo mwaaka, taate muro ando kweerasya shaasa kikee efo uvavasony. 35Luveende na fimu fya mbee, na ndunda ta mbee ta ngata toose, wo mwaaka fishe mmba ya Nndumi Iruva. 36Na vana veru vavee, na findo fivee fyoose fya ng'umbe na moonri, fyeendwa mmba ya Iruva, kwa vakohani yewo veerundya-fo. 37Na firaso fya nswa, na ndunda ta ngata toose, na mfinyo, na mafura, fyeengyo vakohani efo mmba ya Iruva weeru. Na kyenga kya ikumi kya fimu fya uruka fyeendo kwa Valevi vawarye urukeny koose. 38Na nkohani wa mmba ya Aron mmbo akaa na Valevi vawarye firaso fya Valevi, nawo vatirwaa mmba ya Iruva. 39Vana va Israeli na vana va Levi mmbo vasheendee firaso fya fimu, na mfinyo, na mafura efo mmba, mashika mfo fikee fiiya fyeele, na vakohani, na varingi na veembi. Neese nta llurekyoo mmba ya Iruva weeru-fo

Currently Selected:

NEHEMIA 10: MAS2

Highlight

Copy

Compare