Valevi 2
2
Firaso fya Fimu
1Na kwokooya nndu asheningyaa Nndumi Iruva findo fya pya fikee nkiraso kya nswa, kiraso ekyo kive nswa ukee mmamiri; na yoo uwe ya vayo navikeu mafura na ubani; 2neengyeny vana va Aron wo makohani; nawe nooteu ng'unde imwi yoo nsweny yeto, na yoo mafureny na ubaniny, nawe nkohani nafirumate five ni kindo kyeekubwa yoo uwe ya kitara, nkiraso kyeeserisya murony kitiri nrungo nusha kwa Nndumi Iruva, 3na nswa yeto wasaa yoo kirasony ekyo to uve wa Aron na vana vakwe; ekyo nkindo kyeele deny kyooka kirasony kyaserisyo Nndumi Iruva na muro.
4Na lyingi, kyeeri kusheningyaa kiraso kya nswa, ukeenkaange, nkuti ive ni mikate ilatiri ntarang'o ya nswa mmamiri ukeensongosye na mafura ao mandasi alatiri ntarango, akee maambe mafura 5Lyingi kwakooya kiraso kyafo ni-nswa wekaanga, uve nswa mmamiri ulatiri ntarango, ukeensongosye na mafura. 6Kuurumbwe fyenga fyenga, neyaamba mafura, nto kiraso kya nswa. 7Na kwakooya kiraso ni nswa wa nunguny, mmbo kideesyo na nswa mmamiri ando amwi na mafura. 8Newe mmbo kushengyee Nndumi Iruva kiraso kya nswa kikee kisongosye indo, nakyo kyeendwa kwa nkohani, nawe mmbwe yeto ashekiserisyaa yoo kitareny kyeerasya. 9Na nkohani mmbo asheonaa kindo kyeekumbwa yoo kirasony kya nswa nawe nasheukorya yoo kirasony kya nswa nawe nasheukorya yoo kitareny, nkiraso kyeemamita na muro kitiri nrungo nsha kwa Nndumi Iruva. 10Neekyo kisaau yoo kirasony ekyo kya nswa mmbo kivaa kya Aron na vana vakwe, nakyo nkindo kyeele nnu kwa kiraso kyeekora na muro kileserisyo Nndumi Iruva. 11Kiraso kyoose kya nswa ekyo kisheserisyo Nndumi Iruva kilavikwa ntarang'o-fo, mashika ntarang'o mmbuvaa imamita-fo, nta uki five ni kiraso kyeeserisya Nndumi Iruva na muro-fo. 12Lyo findo efyo fivaa iserisya Nndumi Iruva fikee ni fimu fya mbee; lyo fileendwa kitareny kyeerasya five nrungo-fo.
13Kingi-se, wo kindo kya pya kya kiraso kya nswa nkuti kivikwa shumbi nta kulare kiraso kyafo kyaanguyo nshumbi-fo mashika nkyaasa kya Iruva wafo; mmbo kusheningyaa shumbi ando amwi na findo fyafo.
14Neewe kwakooya kweengye Nndumi Iruva kiraso kya nswa kive ni fimu fya mbee, mmbo kushentaa nganu yeyo efo fyaanuny fya vayo fikee fikore na muro, nganu yeyo efo fyaanuny fya vayo fikee fikore na muro, nganu ikeeshikoninde ya fyaa fivisi, nnyo kushendee ya kiraso kya nswa ive fimu fya mbee. 15Neewe kuvike mafura uwe ya vayo, na ubani kuvikeu, nkyo kiraso kya nswa. 16Ni ishora lya nkohani yuukora eekumbwa nkyo kiraso kya nganu ikee shikoninde, na mafura, ando amwi na ubani lwa vayo loose, nkiraso kyeeserisya Nndumi Iruva na muro.
Currently Selected:
Valevi 2: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
