YOSUA 23
23
Ikwaanu lya Yosua lya Mafurumyony
1Naasa kukairau mikonu miingi, nawe Nndumi Iruva kaonisya Israeli ufoo, vakiduva valavasaveese-se. Nawe Yosua kava mmiku wa myaaka miingyi. 2Llyo Yosua kavaanga Israeli woose, vamiku vawo na vandu vasongoru woose, kavavia, “Ulalalu yeny mmbo shammikwa na mkonu yakwa mmiingyi. 3Yeni mmbo mulelollya fyoose shaasa Nndumi Iruva waany aletanya vandu yewo kimaruma kyany, mashika Nndumi Iruva waany mmbwe muni alemukabannya.” 4Yeny mmbo shilemwaarya uruka yelu lwa vandu yewo lulevavinga luve lwany, uka nura wa Yordan na kwa mbee mmwasi kundekooya yeeve ilya niini taari ya nkwaany. 5We Nndumi Iruva waany mmbo ashevaumbataafo mwiilollye, mutire uruka yelo, shaasa Nndumi Iruva waany alemuvikya kyaasa. 6Kyasia, kaaryen-te musore fyoose fikee fireiye efo uvavason lwa Mose, muleende mbai kunu na kunufo, 7Mulasore ngata ta vandu va masanga yeva vakee kwany-fo, nta isenda maruva awo-fo, nta yaarundya na iyaindya-fo. 8Kyaindi waraneny na Nndumi Iruva waany shaasa lwekeetana fika ulaalu. 9Mulollye Nndumi Iruva mmbo alemmumbuta vandu yewo veetiri finya, nta kulakeefo umwi waawo aidima ikukikisau yoo mbee yaany. 10Nndu umwi weeru mmbo aleidima yuumbuta vandu kiku, ni elyi Nndumi Iruva waany akee imukapannya shaasa alemuvia. 11Lolente mukwiise mukunde Nndumi Iruva waany, 12lyo kwakooya mwawuya numa mukakutira na vandu va masanga yewo vakee kwany, nayaalyikana nawo, neesasanga nawo, 13lyo mumanye deny Nndumi Iruva waany nnyashekiumbutaa vandu yewo-fo, nawe mbo vashevaa nsindara na kyoove kyany kyeesanga, vavake mwiinga kutani mwamamika muuke urukeny yelu usha indi Nndumi Iruva waany alemuniinga.
14Manyin-te, yeny ulaalu mmbo nkeelakana yaa ulaniny kimwi sha vandu vengyi woose, neeni kisumani mukummbwe efo miriminy yaany sheelyi filya fyoose Nndumi Iruva waany aleluvikya kyaasa nkulewiikau nta kimwi-fo, Fyoose mmbo fileinukyany indo eemutannyaa mesha. 15Naasany shaasa mulewonisa mesha yoo moose Nndumi Iruva waany aleluvikya kyaasa, niindo-da ashemutannyaa makasha namumamite deny kunu urukeny yelu usha Nndumi Iruva alemuniinga, 16kwakooya mwafisha kyaasa kilya Nndumi Iruva waan alevika neeni murunndye maruva engyi na ieenndya, llyo Nndumi Iruva asherooyoo ni unyafi kimaruma kyany murumakye kunu urukeny yelu usha alemuniinga.
Currently Selected:
YOSUA 23: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
