YOSUA 21

Miri ya Valevi

1Kyeeni ekyo vandu va mirwe va Valevi vakasora nkohani Elieseri na Yosua mwana wa Nuni, na yewo vekee vandu va mirwe ufyari lwa Israeli vakavavia, 2vekee alya Shilo efo Kanaani, “Nndumi Iruva mmbo alevavasya Mose sheelyi neese luwonise miri yeekaa, luwoneu na kundo kwa yiisa findo fyeru fyeevikya.” 3Naasa vana va Israeli vakavaniinga miri yei, na ando a yiisa findo, kuve ding'u yaawo shaasa Nndumi Iruva alevavasya. 4Vakakabya Vakohati kura, na vana va nkohani Aron, valya veekee Valevi, vakawonisa miri ikumi na iraru, nawo ni va Yuda na Simion na Benyaminy.

5Na Vakohati vengyi yewo valesaa vakavekabyo kura yaawo vakaonisa efo kwa vana va Efraimu, na Dani na kwa kyenga kya Manase, myoose ikava miri ikumi.

6Na vana va Gershon vakaonisa miri efo kwa vana va Iskari na Aseri na Naftali na kwa kyenga kimwi kya Manase efo Bashani. Myoose mmiri ikumi na iraru.

7Na vana va Merari nawo vakawonisa efo kwa vana va Ruben na Gadi na Sabulon, miri ikumi na ivii.

8Naasa va Israeli vakaniinga Valevi miri yeyo veekabaa kura, ando amwi na kundo kwa yiisa, shaasa Nndumi Iruva alevavasya Mose. 9Miri yeyo mmbo valeyunta efo kwa vana va Yuda na kwa vana va Simeon, nnyo miri yeyo ikee misende yaa, 10nayo nikimaruma kya vana va Aron va ufyari lwa Vakohati, mmbo vana mashika kura ya mbee ni yaawo. 11Nawo vakavaniinga Kiriat-arba. Arba yeto mmbo ekee ndeeye wa Anaki (nto Hebron) efo urukeny lwa mafumbu lwa Yuda ando amwi na kundo kwa yiisa efo kuringityeu, 12lyo nrema na fyuungo fya vayo vakaniinga Kalebi mwana wa Yefune five fyakwe.

13Naasa nkohani Aron vakannniinga Hebron ando amwi na kundo kwa yiisa, na muri weerishya kwa nndu awaa ungyi, na Libna nato na ando a yiisa, 14na Yatiri na ando a yiisa, na Eshtemoa na ando a yiisa, 15na Holoni na Debiri, 16na Aini na Yuta na Betshemeshi, nnyo miri kyeenda na kundo kwa yiisa, efo ngyufyariny yeto ivii. 17Neefo ufyariny lwa Benyamen vakaonisa-fo Gibeni na Geba ando amwi na kundo kwa yiisa, 18na Anatoti na Alimoni na kundo kwa yiisa. Mmiri iina. 19Miri vana va Aron wa makohani ni ikumi na iraru ando amwi na kundo kwa yiisa.

20Yewo va ufyari lwa Kohati vakee Valevi valya valesaa wo mmbo valeonisa miri yaawo efo ufyariny lwa Efraimu 21Vakavaniinga Shekemu ando amwi na kundo kwa yiisa efo urukeny lwa Efraimu, nto muri weerishya kwa nndu awaa, na Geresi, 22na Kibisaimu na Bet-horoni, mmiri iina na kundo kwa yiisa. 23Neefo urukeny lwa Dani, na Elteke na Gibetoni na kundo kwa yiisa, 24na Aiyaloni, na Gat-rimoni, miri iina na kundo kwa yiisa. 25Neefo kyengen ekyo kya Manase na Taanaki, na Gat-rimoni, miri ivii na kundo kwa yiisa. 26Mirii ya vana va kohati valesaa ni ikumi ando amwi na kundo kwa yiisa.

27Nawo vana va Geoshoni va ufyari lwa Valevi vakaningwa efo waaviny lwa kyanga ekyo kya vana va Manase, Golan efo Bashani na kundo kwa yiisa, na muri wa irishya kwa mwiiwaa, na Beeshtera na kundo kwa yiisa miri ivii. 28Neefo ufyariny lwa Iskari, Kishoni na Daberati na kundo kwa yiisa, 29na Yarmut na enganimu, miri iina na kundo kwa yiisa. 30Neefo kwa ufyari lwa Aseri, muri wa Mishali na Abdon na kundo kwa yiisa, 31na Helkati na Rehobmiri iina na kundo kwa yiisa. 32Neefo kwa Naftali vakaniingwa Kedeshi ya galilaya, na muri weerishya kwa mwiiwaa, na Hamot-dori na Katan, miri iraru ando amwi na kundo kwa yiisa. 33Miri myoose ya Vagenon ni ikumi na iraru ando amwi na kundo kwa yiisa

34Na vana va Mereri mmbo valevi valya valesaa vakaonisa uka ufyariny lwa Sabulon, Yokueamu, na Karta, 35na Dimna na Nahalali, miri iina na kundo kwa yiisa, 36Neefo kwa Ruben vakaniingwa Beeri na Yahasa, 37na Kedemoti na Mefaati, miri iina na kundo kwa yiisa 38Neefo kwa Gadi vakaniingwa Ramot ya Gileadi, na muri yeto weerishya, na mahanaiuru, 39na Heshboni na Yeeri, miri iina na kundo kwa yiisa. 40Miri yei myoose ni ya vana va Merari mmbo ufyari lwa Valevi valesaa, nnyo miri ikumi na ivii. 41Na miri ya Valevi myoose ni makumi aana na nyanya efo kwa vana va Israeli ando amwi na kundo kwa yiisa. 42Wo muri na kundo kwa yiisa kuringitye miri yeyo.

Veesraeli Vatira Uruka

43Nndumi Iruva mmbo aleniinga Israeli uruka elo loose, shaasa alevika kyaasa mbo ashevaniingaa, kuve kwawo. 44Naasa Nndumi Iruva kavevaniinga ufoo taari toose, shaasa alevikya vande vawo kyaasa, nta efo kwa vakiduva vawo nkwiifo nndu alekukikisa mbee yaawo-fo. Nndumi Iruva mmbo alevika vakiduva vawo maakony awo. 45Fyaasa fyoose Nndumi Iruva emmbikya Israeli mmbo fileinukya fyoose.

Currently Selected:

YOSUA 21: MAS2

Highlight

Compare

Copy