YOSUA 16

Minyanu ya Efraimu na Manase Taari ya Ngama

1Vana va Yosefu mmbo valeonisa uka Yordan kufii na Yerko yoo mureny taari ya ngama, kasa eko, uruka elo lwa mafumbu fika Beteli. 2Uka Beteli fika Luu kikaenda indo fika nnyanu wa Vaariki fika Ataroti, 3ikasoka nataari yankwaany fika vayafleti fika nnyanu wa Bet-horoni ya sinde, fika Geseri fika yeeveny. 4Nawo Manase na Efraimu wo vana va Yosefu vakawonisa waavi lwawo.

Efraimu

5Na nnyanu wa vana va Efraimu ukava indi. Taari ya ngama ni Ataroti-adari fika Bet-haroni ya ndoo,

6Naasa nnyanu ukeenda taari ya nkwaany, efo Mikmeta taari ya ndoo na fika taari ya ngama fika Taanat-shilo, ukeenda fika ya ngama ya Yanoa. 7Nnyanu yeto ukasoka wunka Yanoa fika Ataroti na Naara, fika Yeriko, fika mura wa Yordan. 8Uka Tapua fika taari ya nkwaany fika usoka lwa kana fika yeeveny. 9Ando amwi na miri ilya ilereeyo vana va Efraimu yoo nnangani ya uruka lwa Manase, miri ya vayo na fyuungo fya vayo. 10Nawo valaumbute Vakanaani valya vekee Geseri, vakeengera ikaa na Vaefraimu fika inu, Vakanaani vakawa mashinga awo.

Currently Selected:

YOSUA 16: MAS2

Highlight

Compare

Copy