YOSUA 12
12
Vamangyi Valevingwa ni Mose
1Yeva mmbo vamangyi valya vana va Israeli valevakapa, neetira ngyuruka tawo kwakulya ya Yordan, taari ya nkwaany, uka imungony lya Arnoni fika ifumbu lya Hermon, na uruka loose lwa Araba taari ya ngama.
2Sihoni mangyi ya Vaamoni, ekee kulya Heshiboni, nawe mmbo ekeeshilya uka Aroeri ukee kufii na imungo lya Arnoni, uka imungon elyo lya yoo nnang'ani, na kyenga kya ufyari lwa Gileadi kundekooya mura wa Yaboki, kutani kwandekooya uruka lwa vana va Amon. 3Na uruka lwa Araba fika yeeve lya Kineret taari ya ngama fika yeeve lya Araba na yeeve lya Shumbi, taari ya ngama, shia yeenda Bet-yashimoti, na taari ya sinde kwasi ya ifumbu lya Pisga.
4Kundekooya nyanu wa Ogu akee mangyi ya Bashani, alesaa-u numa ya Warefai ulya ekee Ashitaroti na Edrei. 5Nawe mbo aleshillya kulya ifuumbuny lya Hermon na efo Saleka na Bashani shoose kundekooya nnyanu wa Wageshuri, na Wamaaka, na kyenga kya ufwari lwa Gilead, na nyanu wa mangyi Sihoni wa Heshloni. 6Nsero wa Nndumi Iruva we Mose na vana va Israeli vakavakaba, na Mose nsero wa Nndumi Iruva kaniinga ufyari lwa Rubeni na lwa Gadi na kyenga kya ufyari lwa Manase, tive ding'u yaawo.
Vamangyi Valevingwa ni Yosua
7Yeva mmbo vamangyi va ngyumka yewe Yosua na vana va Israeli valevakapa na itira taari ilya ingi ya Yordan taari ya nkwany, uka Baal-gadi kulya imungony lya Lebanon fika ifumbulya Halaki, taari ya Seiri. Yosua kaniinga ngyufyarita vana va Israeli tive tawo shaasa valeavyo. 8Uruka lwa fidooro na Shefela, na urukeny lwa Araba, neefo moolokyony, na mbai ya yeeve na Negebu uruka lwa Mhiti na Mwamori na Mkanaani na Mperii na Mhivi na Myebusi.
9Mangyi wa Yeriko, mangyi ya Ai alya kufii na Beteli, 10mangyi ya Yerusalemu, na wa Hebron. 11Mangyi wa Yarmuti, na wa lakishi, 12mangyi ya Eglon, wa Geseri, 13mangyi ya Debiri, wa Gederi, 14Mangyi wa Horma, wa Aradi, 15mangyi ea Libna, wa Adulamu, 16wa Makeda, na Beteli, 17wa Tapua, wa Heferi, 18Na mangyi ya Afeka, na wa Lasheroni, 19na mangyi ya Madon na wa Hasori, 20na wa Shimron-meroni, na wa Akshafu, 21mangyi ya Taanaki, na wa Magido, 22mangyi ya Kedeshi na wa Yokneamu wa Karmeli, 23na mangyi ya Dori kulya kidoorony kya Dori, na mangyi ya ngyufyarita Gilgali, 24na mangyi ya Tirsa. Vamangyi yewo woose ni makumi araru na umwi.
Currently Selected:
YOSUA 12: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
