YONA 3
3
Yona airikya Nndumi Iruva
1Naasa Nndumi Iruva kawuya ivia Yona 2“Enda muriny eto nniini wa Ninavi kundefitya vandu yewo nrumi yeyo shilekuniingya.” 3Nalyo Yona kairikya Nndumi Iruva kaenda Ninavi. Nato mmuri nniini nnu ushipoo mikonu iraru sele iurumbwa yoo nnang'ani kavii. 4Akifika-fo keenda ando a nkonu piti, kakapa weele kaamba, “Ni mikonu makumi aana yasaa-u Ninavi imamitwa.” 5Vandu va Ninavi llya valeita indo vakakunyiisya Nndumi Iruva. Vakapooka ikootoya, wo umwi waawo. Woose kupookya nniini fika n-du waawo, vakaraa makunnya kya yoora iindukya Iruva.
6Naakwa ni mangyi ya Ninavi kyeeri eeta indo, kooka yoo kitiminy kyakwe kya umangyi kakuuta soori ta kimangyi, karaa makunnya, kakaa rembo efo ifuny. 7Kawuya kakapya vandu va Ninavi weele kaamba, “Elyi ni ivavaso lyauka kwa mangyi na veeshillya vakwe woose: ‘Wo nndu nakootoye, kulake-fo nndu alya kindo, vandu, nta ng'umbe, nta moonri, fyoose filalye nta ina-fo. 8Vandu na findo efyo nkuti firaa makunnya. Wo nndu natereve na nrima dede deny, nare shia takwe shiravi na ngaa tilasenyi. 9Llyo kulakooye Nndumi Iruva ashealashaa kilya enkunda ilutannya kya unyafi lwakwe, lukie imamitwa.’”
10Iruva kalla shaasa vandu va Ninavi valetana, kamanya mmbo vara deny shia tawo shiravi. Nawe kaalasha kilya enkunda ivatannya kyeevakapa.
Currently Selected:
YONA 3: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
