YOBU 42

1Llyo Yobu karouwa Nndumi Iruva:

2“Shishi sheelyi kushiidima wo kindo,

kindo kyoose kwankunda kiutike nkwiifo kipaayaa-fo.

3Mmbo kuleamba sheelyi shilekarya ipaaya uramba lwafo kirung'ani.

Ndede shilesenda kindo kulaore shilemanya

m findo fya wende nnu kwakwa

findo kulaore shefiishi.

4Mmbo kuleshivia shikuarannyi neewe kushivia;

sheelyi kushivesaa shikurouwe.

5Ni dede mmbo shemiita mbony tafo na maarwi-nsi,

indi ulaalu shikulolye na miso akwa shimuni.

6Kwa yekyo nkeekurya ando amwi neekwaamba kiluulyi na ifu,

Na ikulollya sheelyi yeny nshi kindo ttwa-fo.”

Mafurummyony

7Kyeeri Nndumi Iruva alemaa irera na Yobu, kavia Elifasi, Mtemani, “Unyafi lwakwa ni unyaasi nnu uwe yafo na mbuya tafo vavii kimaruma kulaore mulerera kya dede uwe yakwa sha kishinga kyakwa Yobu shaasa aletana-fo. 8Kwa yekyo ipoony shau mfungare na suva mfungare mweende kwa kishinga kyakwa Yobu mundeniingya kiraso kya ikora murony kimaruma kyany. Na kishinga kyakwa Yobu amuterevye na yeny shishaarannyaa kiterewo kyakwe shire imutannya kiinani na urung'ani lwany; mashika mmulerera udede uwe yakwa sha kishinga kyakwa Yobu-fo.”

9Naasa Elifasi Mtemani, Bildadi, Mshua na Sofari Mnaamathi wakatana shaasa Nndumi Iruva alevavia. Nndumi Iruva kawaria kiterewo kya Yobu.

10Yobu ekimaa iterevya mbuya takwe, Nndumi Iruva kaviirya ngata yakwe ya elyo mbee. Kanninga ka kavii kya findo fyakwe fyoose etiri elyo mbee. 11Llyo vana va maye na vafwamaye na mbuya takwe woose vemwiishi elyo mbee vakamweengya kyeny kwakwe, vakalya shoonga amwi nawe. Vakambya kutire na imbirya muu kya mavavio moose yoo Nndumi Iruva alemwengye. Wo umwi kaningya Yobu pesa na pete ta saabu.

12Myaaka ya Yobu ilesorya Nndumi Iruva kambikkya mbora mmwasi ngota elyo embikkye mbora elyo mbee. Naasa Yobu katira moonri fiku ikumi na fiina ngamula fiku firindaru, ng'umbe fiku fivii na mishungu ta kika kyiku kyimwi. 13Mmbo etiri na vana va vomi mfungare na vakyika varaaru. 14Mwanaakwe n niiini wa kika kambaanga irina lyakwe Yemima, wa kavii Kesia na wa ifurumya Keren-hapuki. 15Urukeny elo loose nkweifo vaka vekee vesha sha vana va Yobu fo. Ndeye awo kavaavia ding'u sha elyi aleavya vana va maye awo.

16Numa ya vayo Yobu kakaa na muu myaaka iyana na makumi aana, kalollya vashuku vakwe woose kutani ngyeeri ya kaana. 17Naasa Yobu kafwa akee nndu nkuu wa myaaka miingyi.

Currently Selected:

YOBU 42: MAS2

Highlight

Copy

Compare