YOBU 26
26
Kirouwo kya Yobu
1Naasa Yobu karouwa:
2“A! Ni inda kwaekkya alatiri widimi!
Ngata kyi kwakira alatiri finya!
3Ngata-kyi kweekya nndu alatiri urango usha,
Na iatarannya nawe widimi lwafo!
4Kya indi mmbo kwaamba indo mashika avi?
Mmbi akukuna irera indo?”
Wiidimi uniini lwa Iruva
Bildadi karouwa:
5“Varumu efo si vakererema,
mura wa si ya uruka na vekaafo mmbo vakee yereya.
6Kwa vafu nkukee kwa ruu deny mbee ya Iruva,
ufu llutiri kifiniko kyoose fo.
7Iruva mmbo aalaa taari ya ndoo ando aruu,
kanunuta ulana ando alatiri kindo,
8Kafingya mura mafishiny uve nroo,
nta mafishi n narandukaa kimaruma kya irovyo fo.
9Mmbo asikkyaa kisangu kya mwiiri
na ivika ifishi uwe ya vayo.
10Kareyya kiringiti uwe ya kisangu kya yeeve,
ando kukee nnyanu wa sa na ireema.
11Iruva karosa unyanga lwa isakira,
ngo ta iruveu mmbo tireremaa na iting'wa.
12Kwa finya takwe mmbo akyeemya yeeve ikamamya sau,
kwa urango lwakwe kamamita ishoka lilya Rahabu.
13Na mumuyo wakwe kasangya ngina;
woko lwakwe lukadosha ishoka llya iniini irishaa.
14Yefyo nfyaangu nsi fya mirunndye yakwe,
n ng'unung'unu nsi luitye uwe yakwe.
Mmbi ashiidimaa imanya uniini lwa finya takwe?”
Currently Selected:
YOBU 26: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
