YOBU 17
17
1Shanfikwany ni nrima, mikonu yakwa yansia,
kifu kyakwa kyammaa idesyo.
2Ni dede veshiinnyala vashiringitye,
fiinyalo fyawo shifilollye paa.
3Woi Iruva, kuve nkara wakwa mbee yafo,
mashika nkwiifo ungyi wa ishiviya nkara fo.
4Kimmba kwansikkya urango lwa mbuya takwa;
kulavare vashivinge.
5Nndu mwiriingya mbuya takwe kya mbusha,
vana vakwe vafwaa miso.
6Shammaaluwa kindo kya iseta vandun
shamba nndu wa iesellywa minyiiri.
7Miso akwa amba ireema kwa ivavio;
filungo fyakwa fyoose fikava sha kirishe.
8Vasaari mmbo vakeetingwa elyi valollya nrenga yakwa,
na valatiri mbese vakulollyaa
mbee ya nndu vakusarye nnyakee mwiindya Iruva fo.
9Naakwa ni indo, mworotu mmbo atiraa usumanu lwakwe,
nndu mwitana fya usumanu nnyaengeraa itira finya mmwasi.
10Indi yeni oshony, oshony lyingyi woose se,
nnang'ani yaany n shiwonaa atiri urango usha nta umwi fo.
11“Mikonu yakwa yamisia, uramba lwa mashora akwa lwamfishwa,
ivika nsia lya nrima wakwa lyammaya.
12Kwa yewo mbuya takwa kio kwawo ni nsanyiny;
A nkyo kyeamba nkwiifo sa kunu ireeminy?
13Kimmba kwa vafu mfo mmba yakwa,
na ando akwa ekaa nnyakee efo ireeminy.”
14kwakooya kifu “Nndeye akwa,”
na mbuu, “Mma wakwa” ao “Mfwama.”
15A mmbo shasaa na nsia ki?
Mmbi ashiidimaa ilollya nsia eto?
16Ivika nsia lyakwa lyishoololaa kwa vafu!
Mmbo lushoolokaa we vavii kufike efo kiluulyiny.
Currently Selected:
YOBU 17: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
