YEREMIA 47
47
Nrumi ya Nndumi Iruva arera kwa Vafilisti
1Irero lya Nndumi Iruva elyo lyesheya nkisuku Yeremia kya Vafilisiti kulare Gaza yankapwa ni mangyi Farao.
2Kaamba, “Lola, mura mmbo ukesaama uuka taari ya ndoo,
nato mmbo ushevaa mura mwiingyi,
usheewalawala urukeny ushesikya findo fyoose fiifo.
Miri na woose ewo vakee nnang'ani yaawo,
na vandu mmbo vashekaba kyiiyo,
neewo woose vakee urukeny mmbo vashekulaiyaa.
3Mmbo vashekooya yiita ntiri wa mbungashu ta frasi,
na fireto fiirunduma fya makari akeyoomuwa ni frasi,
nta vandeye valashindukya vana vawo,
mashika elyi maako alakitiri wiidimi.
4Mashika nkonu yeto weelyamarwa ukeesha,
Vafilisti woose mmbo vashelyamarwaa wooka Tiro na Sidoni
na mweeki ungyi moose yeto ashekooywa-fo.
Mashika Nndumi Iruva mmbo akeelyamara Filistia shoose,
na valya vakee mbaa-mba ya Kafto.
5Vandu va Gaza vammayuta fii ta mirrwe yaawo toose,
elyi vakeyiiya urumato lwa Askeloni,
na vandu va Anakimu musaae-fo mmbo mukumamanyaa mufike-kwi?
6Ee, Yewe usu lwa Nndumi Iruva!
Mmbo kushiibo kyeeri kyifye inda kulare kwamalallya?
Wuya shombony yafo kwiimuye neemalallya!
7Mmbo kishiidimika kikwi,
nawe Nndumi Iruva amma ivaniinga muumu wekaba?
Askeloni na valya vakee mbaa-mba ya yeeve.”
Currently Selected:
YEREMIA 47: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
