ISAYA 12
12
Kyiimbo kya kiraso
1Kusheshaa nkonu vandu vasheemba kiimbo vaambe;
“Shakwaana yewe Nndumi Iruva!
Lla neelyi kweesuuye kimaruma kyakwa,
kwafweerisa nrima, nrima wafo.
2Iruva mmbwe mwikira wakwa,
mmbwe shimmbikye nsia,
nta nshishereyaa-fo Iruva munifinya,
mmbwe finya yakwa we mmbwe mwiikira wakwa.”
3Mmbo mushevaa mura mwiikyesaa wuuka firoriny fya ukyiro!
4Nkonu yeto mmbo musheambaa,
“Aniny Nndumi Iruva!
Ntereveny kwa irina lyakwe!
Vieny masanga mirunndye yakwe.
Ambeny ngata irina lyakwe lying'ani.
5Imbyeny Nndumi Iruva,
kwa mashora ang'ani,
moose amanyike ulaniny koose.
6Oniseny unyanga mwiimbe kwa unyanga uniini na ifura yeni vandu va Sioni!
Mashika yeto mwiitana finiini nnang'ani yaany mmbwe Iruva mweele wa Israeli.”
Currently Selected:
ISAYA 12: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
