HOSEA 10

1Israeli ni nsabibu utiri ndunda shiingyi. Shaasa valefumbuka niindo valetana fitara fyeerasya. Shaasa uruka lwawo lulevavasywa niindo-da nawo valeengera ngo ta mawe ta iindya. 2Vandu yeva vatiri mirima milembi nkuti ulaalu vataiywa kya uravi lwawo. Iruva mmbo ashesammbwaa fitara fyawo fyeerasya neewundwa-wundwa ngo eto tawo sheele.

3Nalyo yeni vandu yeva vaambe, “Mmbo lulera lulaindya Nndumi Iruva lukatura mangyi. A mangyi nkyokyi eelutannya lyo?” 4Mmbo varera marero a ruu neevika fyaasa fya mweelu. Usumanu lukafuluwa, lukava mooro nkasha wammya ireminy isha.

5Vandu yewo vakaa efo muriny wa Samaria mmbo vashereremaa neefwa elyi vasheretaa ngashe yeyo ya saabu ikee Beteli. Wo na nkohani eto wa ngashe yeyo vasheiyaa-u. Mmbo vashekaa kiiyony kimmba vashesokwaa itumbe elyo lya saabu. 6Ifwanu elyo mmbo lyishekamarwaa lyirawa Siria, lyive llo usanu kwa mangyi ya Siria. Israeli mmbo ashalyilyiswaa naoni isuka nnu kimaruma kya iindya ifwanu elyo. 7Na mangyi yakwe nakurikwa sha ilalo lyiriwa mmura. 8Findo filya vekeindya ifumbuny lya Aveni mmbo fishelyamarwaa. Miinga na ngorosho mmbo fishe lumbaa fitara efyo fyeerasya. Vandu vashefwaa vavie mafumbu lusikyeny, na fidooro, Luwoyeny.

Nndumi aamba Uvingo uwe ya Israeli

9Nndumi Iruva aamba indi, “Vandu va Israeli mbalemmanda ishilyamarya uka ulyamari llwa lwawo lwa Gibea-fo. Fira ilya ya Gibea mmbo ishekaa ivasore. “Mmbo nshewoyaa vandu yeva varavi shivakabe. 10Vandu va masanga engyi vashevevakyanaa, vakabwa kyeendwa ni uravi lwawo.

11“Israeli mmbo eevakye ngashe shiloshe nisha naambo ikape nganu na nsia. Lyo mmbo shilembikya iryo efo singony yakwe shisha naambo ishora lyakwe lyirwaa. Yuda naremi na Israeli nakoninde maboka. 12Shavavia, ‘Rema, fisha nsengo, vaaya usumanu kwiilule mbora yavayo yeeshikusirya. Nkyeeri kyafo kyeeshiwuiya ulaalu, yeny Nndumi Iruva wafo, neeny shikupusuye mbora.’ 13Lyo ando eetana indo mmbo luleronga uravi kwailula fimu fyavayo. Ulaalu kwallya ndunda ta wongo lwafo.

‘Mashika elyi kulevika makari afo a fira nsia na wiingyi lwa itorito lyafo, 14fira mmbo ishesheyaa vandu vafo, na turuve tafo toose tiwunduwa. Mmbo kishevaa sha llya mangyi Shalmani alyamara muni wa Betherbel, na vaka na vana vakamamitwa. 15Yeni vandu va Betel niindo kyany kyishevaa, kimaruma kya uravi elu muletana. Elyi fira ipooka indi, na mangyi ya Israeli mmbo afwaa.’”

Currently Selected:

HOSEA 10: MAS2

Highlight

Compare

Copy