VAEBRANIA 8
8
Yesu ni Nkohani weeru nniini
1Naasa, nnang'ani ya efyo lukeeamba, irero isongoru llyo elyi, mmbo lutiri Nkohani Nniini indi, akee rembo woko usha lwa kitima kya itumbe kya uniini iruveeu, 2mfurukani wa ando eele, na wa yeema llya dede lyilevikwa ni Nndumi muni nta nshi nndu-fo. 3Mashika Nkohani Nniini moose mmbo avikwaa naambo naniingye simbo na firaso, kweekyo yeu nawe nkuti natire findo fyeeyuuta. 4Kukooye ekee uwe ya uruka, nnyevaa nkohani-fo; mashika veefo yewo vaniingyaa firaso kimaruma kya ivavaso, 5verundya-u sha ando a kirishe kya iruveeu, shaasa Mose alevavasyo ni Iruva, llya emma ivavasyo nadeesye yeema llya, mashika mmbo aamba, Lola kusongosye findo fyoose shaasa kuleorwa kulya ifumbu-u. 6Lyo ulaalu mmbo ambonisa urundi usha mmwasi, kiinani na shaasa nrumi wa kyaasa kiniini mmwasi, kyikee kivavasye nkyaasa ekyo kisha mmwasi, 7Mashika kukooye kyaasa ekyo kya mbee kulaore kyeetiri unana, mmbwekaa-u mwaanya wa iruuya ekyo kya kavii-fo. 8Mashika evasakiraa mmbo aamba,
Lola, mikonu iifo ishaa, ni Nndumi arera,
neeny nsheinutyaa kyaasa Kiiya kwa mmba ya Israeli na mmba ya Yuda.
9Nakyo nkishevaa sha kyaasa kilya
shilevikya vandeyaawo-fo,
nkonu ulya shilevatira woko
shavauta urukeny lwa Misri.
Mashika mbalewarana na kyaasa kyakwa-fo
neeny nshilevasara-fo,
ni indo Nndumi aamba.
10Mashika ekyi nkyo kyaasa nshevikaa
na mmba ya Israeli,
numa ya mikonu ilya ni indo Nndumi aamba,
Nshevavikya uvavaso lwakwa makusarony awo,
nshereiya efo miriminy yaawo
neeny nshevaa Iruva waawo,
nawo vave vandu vakwa.
11Nawo mbasheloshanaa wo
nndu na uroye-fo,
na wo nndu na mwanamaye, veshambaa,
irikya Nndumi-fo,
mashika woose vasheshiirikyaa.
Uka yeto akee n-du waawo
fika yeto akee nniini waawo.
12Mashika mmbo nshevafwayaa maravi awo
na ngyulyamari tawo nshishetikumbwaa-sefo.
13Llya aleamba, ni Kyaasa Kiiya, mmbo aleallwa kilya kya mbee kive kikuu. Na lyo kindo kikampooka iva kikuu mmbo kyamfika kufii na imanda.
Currently Selected:
VAEBRANIA 8: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
