HAGAI 2

Itumbe lya Mmba ya Iruva Shiiya

1Mwiiri wikee wa mfungare, nkonu makumi avii na lyimwi irero lya Nndumi Iruva lyikashefikya nkisuku Hagai lyikaamba, 2Rera na Sarubabeli nshilyi wa Yuda, na Yosua nkohani nniini na vandu valya valewuya, kuvavie, 3“A mmbi nnang'ani yaany ashiidimaa ikumbwa shaasa mmba ya Iruva yeesennyi? A ulaalu mmbo muilollye inda? Nkimwi sha kindo kilaiyo. 4Lyo mulasheefwa nrima-fo. Rundyeny mmba yei, neeny nkaa neeni. 5Kyeeri muleuka Misri mmbo shilemuvikya kyaasa kyekaa neeni. Mulairyae-fo, nng'u nkee neeni.

6“Ulaalu indo mmbo nshereremisaa ngina na ulana, uruka na yeeve. 7Shifullwe ngyumangyi toose, na usuri lwa masaa awo lweendwa yaa, mmba ya Iruva iishwe masaa shapu. 8Fesa na sahabu ya ulana mfyakwa. 9Mmba yeyo shiyya mmbo isheilanyaa ilya ya mbee. Na nng'u nsheonisyaa vandu urilalyi na ivesyo.” Ni Nndumi Iruva muni malorito aamba indo.”

Nkisuku Hagai arera na Vakohani

10Nkonu makumi avii na kaana wa mwiiri wa keenda wa mwaka wa kavii uka Dario anshillya uruka, Nndumi Iruva muni matorito karera lyingyi na nkisuku Hagai kammbia, 11Veseny vakohani vamoore shia kya uvavaso, 12“Kwakooya nndu aipo-ipoo nyama yootwa kiraso naikurike efo sooriny.” Na soori yeyo napaani nayo nkate, ao shoonga ingi shikore, ao mfinyo, ao mafura, ao shoonga ingi-da, ndesa nyama yeyo isheeremutaa findo efyo? Kyeeri vakohani valeveswa indo vakaamba, “Oode.” 13Llyo Hagai kaamba, “A kwakooya nndu apaana nndu mfu kava ntefusu. Kwakooya apaana findo efyo na woko, ndesa fivaa fitefusu?” Vakammbia, “Ee” 14Naasa Hagai llyo alevavia, “Nndumi Iruva mmbo aamba ni indo-da kishevaa kya vandu yeva na wo kindo vatiri, na wo kindo vaningyaa mmbo kishevaa kitefusu.”

Nndumi Iruva avika kyaasa Kyevavikya Mbora

15Nndumi Iruva kamuvia, Mulollye-se ekyo kilemusheya? Kulaore mwampooka itana mmba ya Nndumi Iruva. 16mmbo muleenda muunguny wa nganu eeshi mmbo akaaya-u kyeeso kive kya nganu ate nkyenga kya vayo kiiyo. Na mfinyo nato nkiwo kawoni kyenga kyavayo. 17Mmbo shilemurikya uraato na mmbwa ya mawe irumate findo fya mareminy, lyo nta mulakunde ishiwuiya. 18Inu ni nkonu wa makumi avii na kaana, mwiiri wa keenda. Nto nkonu uvasha lwa mmba ya Iruva lulamarisyo iveiywa, ulaalu loleny kindo kishesaryaa.

19A ndesa mukitiri shoonga mbesheny? Nta mfinyo, nta mafura, nta miri ya ndunda na ya mafura nnyilevika-fo, lyo na kyikava indo mmbo ushemuwuutisa na mbora.

Kyaasa kya Nndumi Iruva kwa Sarubabeli

20Nalyo nkonu yeto mweni, nkonu makumi avii na kaana wa mwiiri, Nndumi Iruva karuma Hagai nrumi ya kavii, kaamba, 21Zerubvabeli nshilyi wa Yuda navio, “Ulaalu mmbo nrinyisaa iruveen na ulana. 22Shituule ngyumangyi na imaa ushilyi lwawo. Shilyamare finya tawo na wiidimi lwawo. Shiwaa frasi tawo neewo veetisaamyi vakumaa wo veni na veni. 23Lyo yewe Sarubabeli ishinga lyakwa, nkonu yeto mmbo nshekuvikaa kushillye na irina lyakwa. Ni yewe shakusauwa, shakuvika wende.” Ni Nndumi Iruva wa matorito aamba indo.

Currently Selected:

HAGAI 2: MAS2

Highlight

Compare

Copy