ESEKIELI 19
19
Kyiimbo kya ukyiva
1Neewe kwiipo kukape kiiyo kyimaruma kya vasongoru va Israeli,
2kwaambe; Mau, mmbo ekee miiso ya kyika ya ngataki nnang'ani ya miiso!
Kakwaara nnang'ani ya vana va miiso eeringaa vana vakwe.
3Kalela umwi va vana vakwe,
kang'ana kava miiso kapooka iruuya kyeelya;
karattwa vandu
4Vandu va masanga vakeeta mbony takwe,
vakanreiya na uliva vakantira
neenkamara na nreiyo vakandemfita urukeny lwa Misri.
5Naasa maye ekilollya ammuvereya kyeeri kyaasha
koota-pa immbonisa lyingyi
keepoo mwana ungyi nnang'ani a vana vakwe,
kamwallwa miiso.
6Nawe mwana ulya eking'ana
kapooka irua-rua yefo-neefo kava miiso
kapooka iruuya kyeelya, karattwa vandu
7Kararaa wo ando kamanya mmba tawo
kalyamara miri yaawo.
Na uruka lukasokywa mfyoova na ukyiva
kimaruma kya ntiri na idina lyakwe.
8Llyo masanga akavika mireiyyo taari toose
akakufinga kirrwa vakandevika nreiyyo
nawe katirwa.
9Vakamwaata nguvanuny,
vakankamara fika kwa mangyi ya Babilony.
Nawe kamfingya turuveny,
unyanga lwakwe lulaitiwa-se lyingyi,
mafumbuuny a Israeli.
10‘Mau mmbo evakye nsabibu ukee mmbaakye yefo nreminy va misabibu,
mbai ya mura,
ukatira maramba na ivika ndunda shiingyi kyimaruma kya mura mwiingyi.
11Iramba lyitiri finya mmwasi lyikaaluwa nsengye wa mangyi,
lyikang'ana lyikairya miri ingyi myoose
lyikalolywa kwa waasha amwi na wiingyi lwa maramba a wavyo.
12Indi nsabibu ulya ukailuwa tushu ukatuulwa-si na unyafi,
uraato lwa taari ya ngama lukawumisa;
ndunda ta vavyo tikadowuka
na firamba fya vayo fitiri finya fikafika fikauma;
muro ukafimaa kushu.
13Ulaalu ni yefo kasa koomu ukemmbaaye,
urukeny wuumu kundo kulatiri mura.
14Na muro ukooka mbindiny ya wayo,
ukakora maramba na ndunda ta vayo,
kulaseefo kiramba kya ushilyi kitiri finya ya ishillya.’
Yekyi nkyo kiiyo kishiimbwa kya ukyiva. Kyammaaluka kyiyyo”
Currently Selected:
ESEKIELI 19: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
