ESEKIELI 11
11
Ulyamari lwa Yerusalemu
1Mumuyo wa Iruva ukashiipoo na uwe, ukandeshifita alya mwaangony wa taari ya ngama wa mmba ya Nndumi Iruva. Alya mwaangony shalollya-u womi makumi avii na varaanu, nnang'ani yaawo eiyo Yaasania mwana wa Asuri na Pelatia mwana wa Benaya, vasongoru va vandu va Israeli. 2Nndumi Iruva kashivia, “Yewe mwana wa nndu, yewo mmbo vandu vakasha vakee kunu muriny yeu vafulutaa na yaalasha makusaro a vandu. 3Mmbo vakeyaamba, ‘Kyeeri kya itana mmba nkyalefika-fo. Muri ni kimwi sha nungu na yese ni nteera.’ 4Kweekyo, waawuye fikisuku, waawuye yewe mwana wa nndu!”
5Naasa mumuyo wa Nndumi Iruva ukashiwoya, kashivia, “Via vandu, Nndumi Iruva mmbo aamba indi; Shammanya, yekyi nkyo mukekusara yeni Israeli. Mmbo shiishi mbony mukeekusara yefo miriminy yaany. 6Yeni mmbo muwayye vandu veengyi kunu muuriny yeu, na shia teyiira mukaishura-fo minyinga ya vandu. 7Kweekyo, yeny Nndumi Iruva shaamba indi: minying'a muwayye na iitula nnang'ani ya vayo ni nteera, na muri yeu ni nungu; yeni ni kuti muutwa nnang'ani ya vayo. 8Yeni mmbo mwereiye usu, na yeny nshisheende usu lumuwoye! 9Mmbo shimuuta kunu muriny yeu, shindemurambikkya maakony a vandu va masanga; neeny shishemuutya uvingo efo nnyanuny wa Israeli. 10Mmbo muwaawa ni usu, neeny shishemuutya uvingo kulya minyanuny ya vandu va Israeli. Yoo llyo mumanyaa yeny mmbwe Nndumi Iruva. 11Muri wa Yerusalemu mmbushekivaa-se nungu yaany-fo, nta mmushevaa nteera nnang'ani yawayo-fo. Yeny mmbo nshemutyaa uvingo minyanuny ya vandu va Israeli. 12Neeni llyo mumanyaa sheelyi yeny mmbwe Nndumi Iruva, yeto mulelema yiindya mavavaso akwe nta ilatya uramba lwakwe, indi mukakunda ilatya na itana filya mwekeeivavasywa ni masanga engyi yoo mufiitani nawo.” 13Kyeeri shekyaawuya ukisuku, Pelatia mwana wa Benaya kafwa. Neeny shawa-si kifulufulu, shaffwa na unyanga uniini, shaamba, “Ale Nndumi Iruva, mmbo kumaa deny Vaisraeli yeva valesaa-fo?”
Kyaasa kya Iruva kwa valya vakerishiswa
14Irero lya Iruva lyikashisheya lyishaamba; 15“Yewe mwana wa nndu, vana va mau, yee vana va mau, vana va ivee lyimwi, mmba shoose ya Israeli; woose deny, yewo mmbo vandu va Yerusalemu vakerera vakaamba, ‘Mmbo waleenda kwaasha nnu na Nndumi Iruva, mashika Nndumi Iruva mmbo llukeewaniinge uruka yelu kulu.’ 16Kweekyo amba, Nndumi Iruva aamba indi: 17‘Shimusangyiryaa uka nnang'ani a vandu na imusaleesa uka ngyurukeny yefo munanakkye shimuniinge uruka lwa Israeli.’
18“Kyeeri vashewuyaau, mmbo vashoota-fo findo fitefusu na makasha engyi moose. 19Shishevaniinga nrima umwi shishevika-fo mumuyo mwiiya nnang'ani yaawo. Shishewoota ngoo ya iwe shishevaniinga nrima wa nyama. 20naambo weedimi ilatya uramba lwakwa na yiinndya mavavaso akwa; vashevaa vandu vakwa na yeny shive Iruva waawo. 21Kyaindi valya vakunanavye na findo fitefusu na makasha awo, mmbo vashekooya ngapo tikwaani na mashora awo. Ni yeny Nndumi Iruva shaamba.”
Itumbe lya nndumi Iruva lyasama Yerusalemu
22Naasa fyuumbe filya fikaorrwa maru fikapooka irumbuka, amwi na fireto filya fyekee yefo mbai ya wavyo; itumbe lya Iruva wa Israeli lyekee uwe ya vavyo. 23Naasa itumbe lya Nndumi Iruva lyikasaama uwe lyuuka nnang'ani ya muri ulya lyikandesalala ifumbuu taari ya ngama ya muri. 24Naasa mumuyo wa Iruva ukashikurika fika urukeny lwa Vakaldayo, kwa vandu vakee usamirony. Naasa mumuyo yeto ukatarakana. 25Neeny shavia valya woose vekee usamirony mbony toose Nndumi Iruva aleshoora.
Currently Selected:
ESEKIELI 11: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
