YUUKA 33
33
Nndumi Avia Vana va Israeli Vooke Ifumbuny lya Sinai
1Nndumi Iruva karera na Mosee, kammbia, “Kyasia, ukeny yoo, yewe na vandu yewo kulevasaamisa vauke Misri, veende urukeny elo shiledeerya Abrahamu na Isaki na Yakobo llya shileamba, ufyari lwafo nsheluniingaa uruka elu;” 2neeny nsherumaa nsu nakwiirye mbee, neeny nsheumbutaa Mkanaani, na Mwamori, na Mhiti, na Mperizi na Mhivi na Myebusi, 3vashekooya uruka lualiwali malela na ukyi, mashika yeny nshishendaa neeni-fo, mashikeelyi mukee vandu vatiri singo shuumu, naambo shilashemurumata efo shia. 4Kyeeri vandu valeita mbony eto shikasha vakaiya kulakaefo nndu araa kindo kyakwe kisha. 5Nndumi Iruva kavia Mose, via vana va Israeli Eni mmbo mukee vandu vatiri singo shuumu, shaamba ni ikaa neni ando a kivero, mmbo nshemumamitaa moose, kyasia ulaalu kuuteny findo fyany fisha naambo shimanyi kindo nshemutanyaa. 6Naasa vana va Israeli vakakuuta findo fyawo fisha, kupookya alya ifumbuny lya Horebu neefo kwa mbee.
Ando Yeema lya Nndumi Lyikai
7Nawe Mose eshivye iiboo yeema lyilya neelyivika poo kwaasha na ulale, kulyivaanga ni yeema lyekwanannya. Na kyikava wo nndu etinnywa nkindo efo kwa Nndumi Iruva, kakwipoo kafika yoo yeemeny lyekwanannya, yoo kipoo ya ulale, 8Naasa llya Mose alekupoo neeny yeema lyilya, vandu woose vakasalala, wo umwi yoo mwangony wa yeema lyakwe, vakavikya Mose miso kutani asiiyo efo yeemeny yeele. 9Naasa Mose ekyaanga-fo na ngo ilya ya ifishi ikaoloka, ikashesalala yoo mwangony wa yeema llya, nawe Nndumi Iruva karera na Mose. 10Vandu woose vakalollya shaasa ngo ilya ilesalala alya mwangony wa yeema, vandu woose vakafirya ndi, wo nndu shaasa ekee yoo mwangony wa yeema lyakwe. 11Nawe Nndumi Iruva karera na Mose kisangu kwa kisangu shaasa nndu arera na mbuya yakwe. Numa kawuya neefo ulaleny, kyeendi nndundi wakwe we Yosua, mwana wa Nuni, nsero nkoo, we nalasomuke yoo yeemeny.
Kyaasa kya Iruva Ikaa na Vandu Vakwe
12Mose kavia Nndumi Iruva, “Lola mmbee, mmbo kuleshivia, Iboo vandu yeva da, lyo nta kulashivie nndu kukeenruma neende neeny, lyo kwashivia, shikwiishi irina lyafo, neewe mmbo kwambonisa ikiyo yoo mbee yakwa. 13Naasany shakutereva, kwakooya shambonisa ikiiyo yoo mbee yafo kushoore shia tafo, naambo shiidimi ikumanya, naambo shiwone ikiiyo yoo kwafo, kushekumbwaa sheelyi vandu yeva mmbo vandu vafo.” 14Kammbia, “Yeny shimuni nshendaa neewe, neeny nshekuviirya muu.” 15We kammbia, “Kisangu kyafo kilammenda neese, kulasheluuta yaafo. 16Mashika mmbo kishemanyika inda kushikiiye, yeny na vandu vafo? Nshi kimaruma kya elyi kukeenda neese-se, kutani yeny na vandu vafo lwarauwa na vandu vengyi woose yewo vakee ulaniny?” 17Nndumi Iruva kavia Mose, neeki kwakyaamba nshekitanaa-da, mashika elyi kwambona ikiiyo yaa kwakwa, neeny shikwishi irina lyafo, 18nawe kammbia, “Shakutereva kushoore itumbe lyafo.” 19Kammbia, “Usha lwakwa loose nshelwiitaa yoo misony afo, neeny nshevambisaa irina lya Nndumi Iruva mbee yafo, neeny nshelyillyaa yeto shankunda inlyillya, neekiiya yeto shankunda inlyillya, neekiya yeto shankunda inkiiya.” 20Keengera immbia, “Nkushidimaa ishilollya kisangufo, mashika nkwiifo nndu wa vandu ashidimaa ishilla na miso nawuye ikaa na muu-fo.” 21Nndumi Iruva kammbia, “Lola, kuiyo ando yaa kufii neeny, yewe salala uwe ya isimamba;” 22naasa kyeeri itumbe lyakwa lyikeeyira, mmbo nshekuvikaa yoo yaangeny lya isimamba shikusikye na kidau kyakwa kutani shamaa yiira; 23numa shuuteng'u woko lwakwa, kushilollye efo kwa numa llyo kisangu kyakwa nkilolywa-fo.
Currently Selected:
YUUKA 33: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 33
33
Nndumi Avia Vana va Israeli Vooke Ifumbuny lya Sinai
1Nndumi Iruva karera na Mosee, kammbia, “Kyasia, ukeny yoo, yewe na vandu yewo kulevasaamisa vauke Misri, veende urukeny elo shiledeerya Abrahamu na Isaki na Yakobo llya shileamba, ufyari lwafo nsheluniingaa uruka elu;” 2neeny nsherumaa nsu nakwiirye mbee, neeny nsheumbutaa Mkanaani, na Mwamori, na Mhiti, na Mperizi na Mhivi na Myebusi, 3vashekooya uruka lualiwali malela na ukyi, mashika yeny nshishendaa neeni-fo, mashikeelyi mukee vandu vatiri singo shuumu, naambo shilashemurumata efo shia. 4Kyeeri vandu valeita mbony eto shikasha vakaiya kulakaefo nndu araa kindo kyakwe kisha. 5Nndumi Iruva kavia Mose, via vana va Israeli Eni mmbo mukee vandu vatiri singo shuumu, shaamba ni ikaa neni ando a kivero, mmbo nshemumamitaa moose, kyasia ulaalu kuuteny findo fyany fisha naambo shimanyi kindo nshemutanyaa. 6Naasa vana va Israeli vakakuuta findo fyawo fisha, kupookya alya ifumbuny lya Horebu neefo kwa mbee.
Ando Yeema lya Nndumi Lyikai
7Nawe Mose eshivye iiboo yeema lyilya neelyivika poo kwaasha na ulale, kulyivaanga ni yeema lyekwanannya. Na kyikava wo nndu etinnywa nkindo efo kwa Nndumi Iruva, kakwipoo kafika yoo yeemeny lyekwanannya, yoo kipoo ya ulale, 8Naasa llya Mose alekupoo neeny yeema lyilya, vandu woose vakasalala, wo umwi yoo mwangony wa yeema lyakwe, vakavikya Mose miso kutani asiiyo efo yeemeny yeele. 9Naasa Mose ekyaanga-fo na ngo ilya ya ifishi ikaoloka, ikashesalala yoo mwangony wa yeema llya, nawe Nndumi Iruva karera na Mose. 10Vandu woose vakalollya shaasa ngo ilya ilesalala alya mwangony wa yeema, vandu woose vakafirya ndi, wo nndu shaasa ekee yoo mwangony wa yeema lyakwe. 11Nawe Nndumi Iruva karera na Mose kisangu kwa kisangu shaasa nndu arera na mbuya yakwe. Numa kawuya neefo ulaleny, kyeendi nndundi wakwe we Yosua, mwana wa Nuni, nsero nkoo, we nalasomuke yoo yeemeny.
Kyaasa kya Iruva Ikaa na Vandu Vakwe
12Mose kavia Nndumi Iruva, “Lola mmbee, mmbo kuleshivia, Iboo vandu yeva da, lyo nta kulashivie nndu kukeenruma neende neeny, lyo kwashivia, shikwiishi irina lyafo, neewe mmbo kwambonisa ikiyo yoo mbee yakwa. 13Naasany shakutereva, kwakooya shambonisa ikiiyo yoo mbee yafo kushoore shia tafo, naambo shiidimi ikumanya, naambo shiwone ikiiyo yoo kwafo, kushekumbwaa sheelyi vandu yeva mmbo vandu vafo.” 14Kammbia, “Yeny shimuni nshendaa neewe, neeny nshekuviirya muu.” 15We kammbia, “Kisangu kyafo kilammenda neese, kulasheluuta yaafo. 16Mashika mmbo kishemanyika inda kushikiiye, yeny na vandu vafo? Nshi kimaruma kya elyi kukeenda neese-se, kutani yeny na vandu vafo lwarauwa na vandu vengyi woose yewo vakee ulaniny?” 17Nndumi Iruva kavia Mose, neeki kwakyaamba nshekitanaa-da, mashika elyi kwambona ikiiyo yaa kwakwa, neeny shikwishi irina lyafo, 18nawe kammbia, “Shakutereva kushoore itumbe lyafo.” 19Kammbia, “Usha lwakwa loose nshelwiitaa yoo misony afo, neeny nshevambisaa irina lya Nndumi Iruva mbee yafo, neeny nshelyillyaa yeto shankunda inlyillya, neekiiya yeto shankunda inlyillya, neekiya yeto shankunda inkiiya.” 20Keengera immbia, “Nkushidimaa ishilollya kisangufo, mashika nkwiifo nndu wa vandu ashidimaa ishilla na miso nawuye ikaa na muu-fo.” 21Nndumi Iruva kammbia, “Lola, kuiyo ando yaa kufii neeny, yewe salala uwe ya isimamba;” 22naasa kyeeri itumbe lyakwa lyikeeyira, mmbo nshekuvikaa yoo yaangeny lya isimamba shikusikye na kidau kyakwa kutani shamaa yiira; 23numa shuuteng'u woko lwakwa, kushilollye efo kwa numa llyo kisangu kyakwa nkilolywa-fo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.