YUUKA 32
32
Ngashe ya Saabu
(Nku 9:6-29)
1Naasa vandu vekilollya Mose ankyeeyo yooloka kulya ifumbuu, vakakusanyirya vakasora Aron, vakammbia, “Kyasia, nnde lusongosie maruva ashe lwiryaa mbee, mashika Mose yeto aleluuta urukeny lwa Misri llwiishi kindo kyankooya-fo.” 2Aron kavavia, “Uteny filero efyo fya saabu fikee efo maarwiny a vaka vany na vana vany musheengye.” 3Vandu voose vakafisha filero fya sahabu efyo fyekee efo maarwiny awo, vakeengye Aron, 4kafiwarya fyuuka maakony awo keeta na muro, kasongosya na patasi kasongosia ifwanu lya ng'ashe, nawo vakaamba, “Yoo ng'u maruva afo Ewe Israeli, alekuuta kulya urukeny lwa Misri.” 5Kikiva indo Aron katana kitara kyerasya yoo mbee yakwe, karera kaamba, “Ndesi ishevaa suku-kuu nniini ya iinndya Nndumi Iruva.” 6Vakakwipoo elyi lya ndesi ngama shuru, vakauta firaso, vakeende firaso fya ufoo, vandu vakakaa rembo vakalya neena vakafina mbasa.
7Nndumi Iruva kavia Mose, “Kyasia, oloka, mashika vandu valya vafo kulevauta kulya Misri ekawo vankutefusa wo veni; 8mmbo vanreka uviny vakara shia ilya shilewoora, ekawo vankusongosia ngashe ya yeeta na muro vakayiinndya na iyuutya firaso, vakaamba, ‘Yoo ng'u maruva afo, ewe Israeli, alya alekuuta kulya urukeny lwa Misri.’” 9Lyingyi Nndumi Iruva kavia Mose yeny mmbo shallola vandu yeva shalollya dede mmbo vatiri singo shuumu (mirima myuumu), 10naasa ulaalu shira, naambo unyafi lwakwa, lukooye yaaka uwe yaawo, shivamamite, neeny nshekuvikaa yewe kuve ufyari uniini nnu. 11Mose katereva nnu Nndumi Iruva, Iruva wakwe kaamba, Nndumi Iruva, Nkiki elyi unyafi lwafo lwarwa kimaruma kya vandu vafo kulevauta Misri na widimi uniini, na woko lwa finya? 12Nkikyi elyi kuraa Vamisiri vaambe, Mmbo alevatannya kikasha, naambo nandevawaiya kulya uwe, neewoota yaa ulaniny? Fweerisa ngoo, kure ukasha elo kukunndye itannya vandu vafo, 13Kummbwa Abrahamu na Isaki na Israeli, mashinga afo, yewo kulevika nawo kyaasa, neevavia Nsheng'anisaa ufyari lwafo sha nyinyiri ta iruveeu, na lyingyi uruka elu shilekuvia nshefumbutaa vana vany, nayo ive ding'u yaawo llung'anu. 14Na Nndumi Iruva kara ukasha llwa emmamba atannyaa vandu vakwe.
15Naasa Mose kainduka kooloka kulya ifumbuu, eerye maboo alya avii a mawe efo wokony lwakwe, ekee mareiye taari toose ivii, taari yei na taari yei tikareiyo. 16Na maboo yoo mmashora a Iruva, na fireiyo fyekee fireiyo fya Iruva fyekee yoo maboony yoo. 17Na Yosua llya aleitaa kyoorongye kya vandu kyeeri vekeekapa kyoorongye, kavia Mose, “Kwiifo kyorongye kya fira efo ulaleny.” 18Kammbia yeto nshingyunyanga ta vandu vevinga fira-fo, na nta nshi unyanga lwa vandu kyeeri vavingwa-fo, kyeendi ni kyorongye kya vandu vakeimba, nkyo shikiitye yeny. 19Eekifika kufii kalollya ngashe ilya na mbasa tilya. Unyafi lwa Mose lukarwa, keera maboo alya yoo si akafika-fika. 20Kawarya ngashe ilya kaikora na muro nayo ikeeka, kaisa ikava nswa, kauletya mureny kaaka vana va Israeli vakana. 21Mose kavia Aron, vandu yeva nkyooki valekutannya kutani kwavaomuya ulyamari elu lung'ani indi? 22Nndumi vakwa nalasheroyo nngoo mashika yewe kwiishi vandu yeva sheelyi mmbo vakee vetana makasha. 23Mashika mmbo valeshivia, lusongosie maruva yoo asheiraa mbee yeeru, mashika Mose yeto, aleluuta urukeny lwa Misri, llwishi ekyo kyankooya-fo. 24Shavavia nndu moose yeto atiri saabu naifishe, naasa vakashiniinngya, shayeerya murony, ikookafo ngashe yei.
25Naasa Mose ekilollya vandu yeva vallyang'aa, mashika ni Aron alevara vakalyamara, naambo vateendwa ni vakiduva vawo, 26naasa Mose kasalala yoo mwaangony wa ulale lwawo, kaamba, “Nndu yeto akee kyaalu kya Nndumi Iruva, nashe yaa. Vana va Levi woose vakandingitya. 27Kavavia, Nndumi Iruva, Iruva wa Israeli aamba indi, ‘Wo nndu navike usu lwakwe yoo kisi neere efo neefo wo mwango wa mmba efo ulalen, mundekuwaa wo nndu na mwanamaye nndu na uroye, na wo nndu na vannyanu wakwe. 28Vana yewo va Levi vakatana indo shaasa Mose alevavia, vakafwa vandu sha fiku firaru indi nkonu ulya.’” 29Mose kawuya kaamba, “Kuvikeny wakfu mbee ya Nndumi Iruva inu, yee wo nndu na mwana wakwe, na nndu na mwanamaye naambo muniingo mbora inu.” 30Naasa elyi lya ndesi Mose kavia vandu, “Mmbo muletana ulyamari uniini nnu deny, kyasia ulaalu nsaamany kwa Nndumi Iruva, kulakooye shishidimaa iwonisa usandi kimarumaa kya ulyamari lwany.” 31Mose kawuya kwa Nndumi Iruva kammbia, “Eeda Nndumi, vandu yeva valetana ulyamari uniini nnu, vakasongosia maruva a sahabu. 32Kyeendi ulaalu kwakooya kulavasaryaa ulyamari lwawo, shakutereva, uta irina lyakwa efo kyitabuny kyafo.” 33Nndumi Iruva kavia Mose, “Nndu moose yeto aletana ulyamari mmbwe nshemuutaa efo kyitabuny kyako. 34Kyasia ulaalu endaany kundetetera vandu yeva nevafita ando alya shilekuvia mbony ta vayo, nalyo lola, nsu wakwa ashekusongoyaa, ando amwi neekyo, kusheshaa nkonu shivataiye kya ulyamari lwawo.” 35Nndumi Iruva kakapa vandu yewo, llya valesongosia ngashe, ilya Aron aleivika.
Currently Selected:
YUUKA 32: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 32
32
Ngashe ya Saabu
(Nku 9:6-29)
1Naasa vandu vekilollya Mose ankyeeyo yooloka kulya ifumbuu, vakakusanyirya vakasora Aron, vakammbia, “Kyasia, nnde lusongosie maruva ashe lwiryaa mbee, mashika Mose yeto aleluuta urukeny lwa Misri llwiishi kindo kyankooya-fo.” 2Aron kavavia, “Uteny filero efyo fya saabu fikee efo maarwiny a vaka vany na vana vany musheengye.” 3Vandu voose vakafisha filero fya sahabu efyo fyekee efo maarwiny awo, vakeengye Aron, 4kafiwarya fyuuka maakony awo keeta na muro, kasongosya na patasi kasongosia ifwanu lya ng'ashe, nawo vakaamba, “Yoo ng'u maruva afo Ewe Israeli, alekuuta kulya urukeny lwa Misri.” 5Kikiva indo Aron katana kitara kyerasya yoo mbee yakwe, karera kaamba, “Ndesi ishevaa suku-kuu nniini ya iinndya Nndumi Iruva.” 6Vakakwipoo elyi lya ndesi ngama shuru, vakauta firaso, vakeende firaso fya ufoo, vandu vakakaa rembo vakalya neena vakafina mbasa.
7Nndumi Iruva kavia Mose, “Kyasia, oloka, mashika vandu valya vafo kulevauta kulya Misri ekawo vankutefusa wo veni; 8mmbo vanreka uviny vakara shia ilya shilewoora, ekawo vankusongosia ngashe ya yeeta na muro vakayiinndya na iyuutya firaso, vakaamba, ‘Yoo ng'u maruva afo, ewe Israeli, alya alekuuta kulya urukeny lwa Misri.’” 9Lyingyi Nndumi Iruva kavia Mose yeny mmbo shallola vandu yeva shalollya dede mmbo vatiri singo shuumu (mirima myuumu), 10naasa ulaalu shira, naambo unyafi lwakwa, lukooye yaaka uwe yaawo, shivamamite, neeny nshekuvikaa yewe kuve ufyari uniini nnu. 11Mose katereva nnu Nndumi Iruva, Iruva wakwe kaamba, Nndumi Iruva, Nkiki elyi unyafi lwafo lwarwa kimaruma kya vandu vafo kulevauta Misri na widimi uniini, na woko lwa finya? 12Nkikyi elyi kuraa Vamisiri vaambe, Mmbo alevatannya kikasha, naambo nandevawaiya kulya uwe, neewoota yaa ulaniny? Fweerisa ngoo, kure ukasha elo kukunndye itannya vandu vafo, 13Kummbwa Abrahamu na Isaki na Israeli, mashinga afo, yewo kulevika nawo kyaasa, neevavia Nsheng'anisaa ufyari lwafo sha nyinyiri ta iruveeu, na lyingyi uruka elu shilekuvia nshefumbutaa vana vany, nayo ive ding'u yaawo llung'anu. 14Na Nndumi Iruva kara ukasha llwa emmamba atannyaa vandu vakwe.
15Naasa Mose kainduka kooloka kulya ifumbuu, eerye maboo alya avii a mawe efo wokony lwakwe, ekee mareiye taari toose ivii, taari yei na taari yei tikareiyo. 16Na maboo yoo mmashora a Iruva, na fireiyo fyekee fireiyo fya Iruva fyekee yoo maboony yoo. 17Na Yosua llya aleitaa kyoorongye kya vandu kyeeri vekeekapa kyoorongye, kavia Mose, “Kwiifo kyorongye kya fira efo ulaleny.” 18Kammbia yeto nshingyunyanga ta vandu vevinga fira-fo, na nta nshi unyanga lwa vandu kyeeri vavingwa-fo, kyeendi ni kyorongye kya vandu vakeimba, nkyo shikiitye yeny. 19Eekifika kufii kalollya ngashe ilya na mbasa tilya. Unyafi lwa Mose lukarwa, keera maboo alya yoo si akafika-fika. 20Kawarya ngashe ilya kaikora na muro nayo ikeeka, kaisa ikava nswa, kauletya mureny kaaka vana va Israeli vakana. 21Mose kavia Aron, vandu yeva nkyooki valekutannya kutani kwavaomuya ulyamari elu lung'ani indi? 22Nndumi vakwa nalasheroyo nngoo mashika yewe kwiishi vandu yeva sheelyi mmbo vakee vetana makasha. 23Mashika mmbo valeshivia, lusongosie maruva yoo asheiraa mbee yeeru, mashika Mose yeto, aleluuta urukeny lwa Misri, llwishi ekyo kyankooya-fo. 24Shavavia nndu moose yeto atiri saabu naifishe, naasa vakashiniinngya, shayeerya murony, ikookafo ngashe yei.
25Naasa Mose ekilollya vandu yeva vallyang'aa, mashika ni Aron alevara vakalyamara, naambo vateendwa ni vakiduva vawo, 26naasa Mose kasalala yoo mwaangony wa ulale lwawo, kaamba, “Nndu yeto akee kyaalu kya Nndumi Iruva, nashe yaa. Vana va Levi woose vakandingitya. 27Kavavia, Nndumi Iruva, Iruva wa Israeli aamba indi, ‘Wo nndu navike usu lwakwe yoo kisi neere efo neefo wo mwango wa mmba efo ulalen, mundekuwaa wo nndu na mwanamaye nndu na uroye, na wo nndu na vannyanu wakwe. 28Vana yewo va Levi vakatana indo shaasa Mose alevavia, vakafwa vandu sha fiku firaru indi nkonu ulya.’” 29Mose kawuya kaamba, “Kuvikeny wakfu mbee ya Nndumi Iruva inu, yee wo nndu na mwana wakwe, na nndu na mwanamaye naambo muniingo mbora inu.” 30Naasa elyi lya ndesi Mose kavia vandu, “Mmbo muletana ulyamari uniini nnu deny, kyasia ulaalu nsaamany kwa Nndumi Iruva, kulakooye shishidimaa iwonisa usandi kimarumaa kya ulyamari lwany.” 31Mose kawuya kwa Nndumi Iruva kammbia, “Eeda Nndumi, vandu yeva valetana ulyamari uniini nnu, vakasongosia maruva a sahabu. 32Kyeendi ulaalu kwakooya kulavasaryaa ulyamari lwawo, shakutereva, uta irina lyakwa efo kyitabuny kyafo.” 33Nndumi Iruva kavia Mose, “Nndu moose yeto aletana ulyamari mmbwe nshemuutaa efo kyitabuny kyako. 34Kyasia ulaalu endaany kundetetera vandu yeva nevafita ando alya shilekuvia mbony ta vayo, nalyo lola, nsu wakwa ashekusongoyaa, ando amwi neekyo, kusheshaa nkonu shivataiye kya ulyamari lwawo.” 35Nndumi Iruva kakapa vandu yewo, llya valesongosia ngashe, ilya Aron aleivika.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.